टीएमसी खासदार आणि बंगाली चित्रपट अभिनेत्री नुसरत जहाँ आपल्या व्यावसायिक आयुष्यापेक्षा जास्त वैयक्तिक आयुष्यामुळे चर्चेत असते. आता तिने जगासमोर उघडपणे कबूल केले आहे की, अभिनेता यश दासगुप्तासोबत तिचे खास संबंध आहेत. अभिनेत्रीने यशला आपल्या मुलाचे वडीलही बनवले आहे. दरम्यान, दोघांनी लग्न केले आहे की नाही, हा प्रश्न कायम आहे. पण अभिनेत्री सतत शेअर करत असलेल्या फोटोंद्वारे, लोकांच्या शंका आता दोघांच्याही विवाहित असल्याच्या विश्वासात बदलत आहेत.
यश दासगुप्ताच्या वाढदिवसाच्या सेलिब्रेशननंतर, अभिनेत्रीने अलीकडेच शेअर केलेले फोटो पाहून असे दिसत आहे की, या दोघांनी त्यांच्या नवीन नात्याला नाव दिले आहे. खरं तर, नुसरत जहाँने शुक्रवारी विजयादशमीच्या निमित्ताने एक फोटो शेअर केला होता. ज्यात तिने विवाहित बंगाली महिलांचा शाख पोला परिधान केलेला पाहायला मिळाला. (viral social nusrat jahan married to yash dasgupta hints with wears shakha pola in new pic)
फोटोमध्ये नुसरतने तिच्या कपाळावर लाल बिंदी लावली आहे. नुसरतचा हा साधा लूक तिच्या चाहत्यांना चांगलाच आवडला आहे. फोटो शेअर करत अभिनेत्रीने कॅप्शनमध्ये बंगाली भाषेत लिहिले, “शुभ विजयचे हार्दिक अभिनंदन आणि शुभेच्छा.”
सोशल मीडियावरील चाहते तिला तिच्या लग्नाबद्दल विचारत आहेत, तसेच सणाच्या शुभेच्छाही देत आहेत. नुसरत आणि यश यांनी यापूर्वी नवरात्री आणि दुर्गा पूजा पंडालमधील फोटो शेअर केले होते. यातील एका फोटोमध्ये नुसरत यशच्या मांडीवर बसलेली दिसली. शिवाय नुसरत जहाँने अभिनेत्याच्या वाढदिवसाला शेअर केलेल्या केकवर हजबंड आणि फादर लिहिलेले होते. हे फोटो पाहून चाहत्यांच्या मनात प्रश्न येत आहे की, त्यांनी खरोखर लग्न केले आहे का?
अभिनेत्रीने २६ ऑगस्ट २०२१ रोजी मुलगा इशानला जन्म दिला. यावेळी मुलाच्या वडिलावरून अभिनेत्रीला खूप ट्रोल केले गेले. नंतर मुलाचे जन्म प्रमाणपत्र व्हायरल झाले, ज्यात वडिलांचे नाव यश दासगुप्त असे लिहिले होते.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-चित्रपट निर्मात्यांच्या बायका उडवायच्या हेमा मालिनींच्या साडीची खिल्ली; म्हणायच्या, ‘ती पाहा…’
