प्रसिद्ध बंगाली गायक आणि गीतकार प्रतुल मुखोपाध्याय यांचे शनिवारी दीर्घ आजाराने निधन झाले. पश्चिम बंगाल आरोग्य विभागाच्या एका वरिष्ठ अधिकाऱ्याने गायकाच्या मृत्यूची माहिती दिली. प्रतुल मुखोपाध्याय यांनी वयाच्या ८२ व्या वर्षी या जगाचा निरोप घेतला. सामाजिक प्रश्नांवर प्रकाश टाकणारी गाणी आणि वाद्यांशिवाय गाणे यासाठी ते प्रसिद्ध होते.
काही दिवसांपूर्वी एसएसकेएम रुग्णालयात प्रतुल मुखोपाध्याय यांना भेटण्यासाठी गेलेल्या मुख्यमंत्री ममता बॅनर्जी यांनी गायकाच्या निधनाबद्दल तीव्र शोक व्यक्त केला होता. त्यांनी गायकाच्या कुटुंबाला आणि असंख्य चाहत्यांना शोकसंवेदना व्यक्त केल्या.
प्रसिद्ध ‘आमी बांगला गण गाय’ आणि ‘डिंगा भाषा सागोरे’ या गाण्यांचे लेखक आणि गायक प्रतुल मुखोपाध्याय यांना स्वादुपिंडाच्या आजारांनी आणि वयाशी संबंधित इतर आरोग्य समस्यांनी ग्रासले होते आणि त्यांच्यावर सरकारी एसएसकेएम रुग्णालयात उपचार सुरू होते. शस्त्रक्रियेनंतर प्रतुल मुखोपाध्याय यांच्या प्रकृतीत सुधारणा होत नसल्याची माहिती एका अधिकाऱ्याने पीटीआयला दिली आणि आज सकाळी त्यांनी अखेरचा श्वास घेतला.
अधिकाऱ्याने पुढे सांगितले की, प्रतुल मुखोपाध्याय यांची प्रकृती बिघडल्याने काही दिवसांपूर्वी त्यांना आयसीयूमध्ये हलवण्यात आले होते. प्रतुल मुखोपाध्याय यांच्या पश्चात आता त्यांची पत्नी आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
पवन कल्याणचे नवे गाणे प्रदर्शित; चाहत्यांच्या उत्साहाला उधाण…
