आर्टिफिशियल इंटेलिजेंस (एआय) च्या वाढत्या ट्रेंडमुळे, स्टार्सचे फोटो आणि आवाज बेकायदेशीरपणे वापरून त्यांच्याशी छेडछाड करण्याचा धोका देखील लक्षणीयरीत्या वाढला आहे. चित्रपट कलाकार याबद्दल सावध होत आहेत. अलिकडेच, ऐश्वर्या राय बच्चन आणि अभिषेक बच्चन यांनी त्यांच्या व्यक्तिमत्त्वाच्या हक्कांच्या संरक्षणासाठी दिल्ली उच्च न्यायालयात धाव घेतली होती. आता चित्रपट निर्माता-दिग्दर्शक करण जोहर यांनी दिल्ली उच्च न्यायालयाचे दार ठोठावले आहे.
वृत्तसंस्था पीटीआयनुसार, चित्रपट निर्माता करण जोहर यांनी व्यक्तिमत्त्वाच्या हक्कांच्या संरक्षणासाठी दिल्ली उच्च न्यायालयात याचिका दाखल केली आहे. त्यांनी लोकांना त्यांच्या नावाने बेकायदेशीरपणे वस्तू विकण्यापासून रोखण्याची मागणी केली आहे. करण जोहर यांनी आज सोमवारी दिल्ली उच्च न्यायालयाचे दार ठोठावले आहे आणि त्यांच्या ओळख आणि प्रसिद्धी हक्कांचे संरक्षण करण्याची मागणी केली आहे.
करण जोहरची ही याचिका न्यायमूर्ती मनमीत पीएस अरोरा यांच्यासमोर सुनावणीसाठी आली, त्यांनी त्यांच्या वकिलाकडून काही स्पष्टीकरण मागितले आणि पुढील कार्यवाहीसाठी दुपारी ४ वाजता प्रकरण सूचीबद्ध केले. त्याच्या व्यक्तिमत्त्वाचे आणि प्रसिद्धीच्या अधिकारांचे संरक्षण करण्याव्यतिरिक्त, करण जोहरने न्यायालयाला काही वेबसाइट्स आणि प्लॅटफॉर्म्सना त्याचे नाव आणि चित्र असलेले मग आणि टी-शर्ट यासारख्या वस्तू बेकायदेशीरपणे विकू नयेत असे निर्देश देणारा आदेश देण्याची विनंती केली आहे.
करण जोहरची बाजू मांडणारे वरिष्ठ वकील राजशेखर राव म्हणाले, ‘माझे व्यक्तिमत्त्व, चेहरा किंवा आवाज कोणीही अनधिकृतपणे वापरणार नाही याची खात्री करण्याचा मला अधिकार आहे’.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
बॉक्स ऑफिसवर दिसली झी स्टुडियोजच्या ‘दशावतार’ची ताकद; ५ कोटी २२ लाख कमाई, सगळीकडे शोज हाऊसफुल्ल!
