अभिनेता शाहरुख खान (Shahrukh Khan) आणि हेमा मालिनी (Hema Malini) ही हिंदी सिने जगतातील दोन लोकप्रिय व्यक्तीमत्वे म्हणून ओळखली जातात. आपल्या दमदार अभिनयाने शाहरुख खानने सिने जगतात स्वतःची एक वेगळी ओळख निर्माण केली आहे. त्याचबरोबर अभिनेत्री हेमा मालिनी यांनी आपल्या सोज्वळ सौंदर्याने आणि सहजसुंदर अभिनयाने प्रचंड लोकप्रियता मिळवली आहे. दोघांचाही सोशल मीडियावर मोठा चाहतावर्ग आहे. अलिकडेच एका कार्यक्रमात अभिनेता शाहरुख खानने हेमा मालिनी यांच्याबद्दलचा एक रंजक किस्सा सांगितला होता. काय होता तो रंजक किस्सा चला जाणून घेऊ.
हिंदी चित्रपटसृष्टीचा बादशाह म्हटल्या जाणार्‍या शाहरुख खानने 1992 मध्ये आलेल्या दिवाना चित्रपटातून बॉलिवूडमध्ये धमाकेदार सुरुवात केली होती. हा चित्रपट केल्यानंतर तो रातोरात स्टार बनला, पण त्याचा दिल आशना है हा चित्रपट दिवानापूर्वी प्रदर्शित होणार होता हे फार कमी लोकांना माहीत असेल. हेमा मालिनी या चित्रपटाच्या निर्मात्या आणि दिग्दर्शिका होत्या. परंतु काही कारणाने तो दीवानापूर्वी रिलीज होऊ शकला नाही. मात्र, या चित्रपटातील हेमा मालिनीशी संबंधित एक गोष्ट शाहरुख खानला आजही आठवते.
‘आप की अदालत शो’मध्ये खुद्द शाहरुख खानने खुलासा केला होता की, जेव्हा हेमा मालिनी यांनी त्याला फोन करून सांगितले होते की, तुला मेकअप करायचा आहे, तेव्हा शाहरुखने त्याला सांगितले की, मी दिल्लीचा मुलगा आहे, मला मेकअपची कल्पना नाही. यानंतर हेमा मालिनी स्वतः आल्या आणि त्याचे केस विंचरले. यानंतर शाहरुख खानने ठरवले होते की आता काहीही झाले तरी तो मुंबई सोडणार नाही. हेमा मालिनी यांनीही त्यांच्या Beyond the Dreamgirl या आत्मचरित्रात या घटनेचा उल्लेख केला आहे. ऑडिशन दरम्यान शाहरुख खानचे केस आवडले नाहीत असे त्यांनी लिहिले आहे. याचे कारण त्याच्याकडून त्याचे डोळे दिसू शकत नव्हते. शाहरुख खान आणि हेमा मालिनी यांनी शेवटचे ‘वीर जारा’ या चित्रपटात एकत्र काम केले होते.
सध्या शाहरुख खान त्याच्या आगामी ‘पठान’ चित्रपटात व्यस्त आहे. यशराज फिल्म्सच्या बॅनरखाली निर्मित हा चित्रपट पुढच्या वर्षी प्रजासत्ताक दिनाच्या मुहूर्तावर प्रदर्शित होणार आहे. या चित्रपटाद्वारे शाहरुख खान तब्बल चार वर्षांनी पडद्यावर परतणार आहे.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
राज कपूरांनी संधी देऊनही मागच्या दारातून हेमा मालिनीने ठोकली होती धूम! तरीही सिनेमा ठरला सुपरहिट
‘जॉनी मेरा नाम’ चित्रपटाच्या वेळी देव आनंदसोबत काम करताना नर्व्हस झाल्या होत्या हेमा मालिनी; म्हणाल्या…
