टीव्ही इंडस्ट्रीतील सर्वात लोकप्रिय अभिनेत्री दीपिका सिंगने छोट्या पडद्याला अलविदा केला आहे. ‘दिया और बाती हम’ या मालिकेतील संध्या या भूमिकेमुळे ती खूप प्रसिद्ध झाली. तिच्या दमदार भूमिके दीपिका सिंग गेल्या अनेक दिवसांपासून पडद्यावर दिसत नाही. पण सोशल मीडियावर चाहत्यांशी कसे कनेक्ट राहायचे हे तिला चांगलेच ठाऊक आहे. इन्स्टाग्रामवर दीपिका सिंह अनेकदा तिच्या वैयक्तिक आयुष्याशी संबंधित अपडेट्स देताना दिसते. अलिकडेच तिने तिच्या मालिकेत काम करण्याबद्दल एक मोठा खुलासा केला आहे.
अलीकडेच, पिंकव्हिलाशी झालेल्या संवादात दीपिका सिंहने सांगितले की, तिने टीव्ही इंडस्ट्रीला अलविदा का केले? दीपिका सिंग टीव्ही शोमध्ये का काम करत नाही? तिला घाबरवणारी कोणती गोष्ट आहे? याबद्दल तिने खुलासे केले. यावर दीपिका सिंग म्हणाली की टीव्ही हे खूप मागणी करणारे माध्यम आहे. कलाकारांना दररोज 14-15 तास काम करावे लागते. महिनाभरानंतरच रजा नाही. दीपिका सिंगने सांगितले की, हे एकमेव कारण तिला घाबरवते आणि त्यामुळेच तिने टीव्ही कार्यक्रमांना रामराम ठोकला आहे.
दीपिका सिंग पुढे म्हणाली की, ‘दिया और बाती हम’च्या वेळी मला असे काही वाटले नव्हते. त्या वेळी माझ्यावर कदाचित आता जितक्या जबाबदाऱ्या आहेत तितक्या जबाबदाऱ्या नव्हत्या. आता मला भीती वाटते की मी एका शोला ३० दिवस कसे देऊ शकेन. जेव्हा कधी मी याचा विचार करते तेव्हा मला भीती वाटते. मला वाटतं कुठेतरी जायचं असेल तर महिनाभर वाट पाहावी लागेल. मी कदाचित लोकांना त्रास देईन, कारण सतत काम करताना मला स्वतःला राग आला असता.
दीपिका सिंग म्हणते की, जर मी एका दिवसात भरपूर रील बनवल्या तर त्यातून येणारा पैसा अधिक असेल. शूटवरही तुम्हाला पूर्ण दिवस घालवावा लागणार नाही. कोणत्याही मेक-अपची आवश्यकता नाही. मात्र, मी सेटवरही रील बनवू शकते, पण नाही. आता या गोष्टी मला आकर्षित करत नाहीत. मी 30 दिवस सतत टीव्हीसाठी देऊ शकणार नाही. दरम्यान दीपिका सिंगने 2014 मध्ये रोहित राज गोयलसोबत लग्न केले. रोहित ‘दिया और बाती हम’चा दिग्दर्शक आहे. 2017 मध्ये दीपिका सिंने बाळाला जन्म दिला.
हेही वाचा- ना काश्मीर फाईल्स, ना आरआरआर; भारताकडून ऑस्करसाठी यंदा ‘या’ गुजराती चित्रपटाने मारली बाजी
दाक्षिणात्य अभिनेत्री समंथाला जडला गंभीर आजार? अभिनेत्रीने स्पष्टच सांगितले
ऋचा चड्ढाच्या लग्नाचे दागिने आहेत खूपच खास! जाणून घ्या काय आहे तब्बल 175 वर्ष जुनं कनेक्शन
