विकी कौशलचा सर्वात मोठा ओपनिंग चित्रपट कोणता? यादीत ‘छावा’ आहे ‘या’ क्रमांकावर

विकी कौशल (Vicky Kaushal) सध्याच्या काळातील सर्वात प्रतिभावान अभिनेत्यांपैकी एक आहे. आपल्या दमदार अभिनयाने त्याने प्रेक्षकांच्या मनात एक खास स्थान निर्माण केले आहे. त्यांच्या चित्रपटांना केवळ प्रेक्षकांचे प्रेम मिळाले नाही, किंबहुना याला बॉक्स ऑफिसवरही उत्तम प्रतिसाद मिळाला आहे. त्याचा ‘छावा’ या चित्रपटाने बॉक्स ऑफिसवर दणका दिला आहे. दरम्यान, आज आपण विकी कौशलच्या अशा पाच चित्रपटांबद्दल बोलणार आहोत ज्यांनी त्याच्या करिअरमधील सर्वात मोठी ओपनिंग घेतली.

विकी कौशलच्या सॅम बहादूर या चित्रपटात सान्या मल्होत्रा ​​आणि फातिमा सना शेख यांच्याही महत्त्वाच्या भूमिका होत्या. हा चित्रपट भारतीय सैनिक सॅम माणेकशॉ यांच्या जीवनावर आधारित होता. या चित्रपटाचे दिग्दर्शन मेघना गुलजार यांनी केले होते. सॅम बहादूरने पहिल्या दिवशी बॉक्स ऑफिसवर 5 कोटी 75 लाखांची कमाई केली होती. हा चित्रपट हिट घोषित झाला. या यादीत हा चित्रपट पाचव्या स्थानावर आहे.

विकी कौशलच्या ‘राझी’ या चित्रपटात आलिया भट्टनेही मुख्य भूमिका साकारली होती. या चित्रपटाने बॉक्स ऑफिसवर चांगलीच कमाई केली. या चित्रपटाचे दिग्दर्शनही मेघना गुलजार यांनी केले होते.’राझी’ने पहिल्याच दिवशी 7 कोटी 53 लाख रुपयांची कमाई केली होती. तिकीट खिडकीवर तो सुपरहिट घोषित झाला. या यादीत हा चित्रपट चौथ्या क्रमांकावर आहे.

उरी: द सर्जिकल स्ट्राइक या चित्रपटाला विक्की कौशलच्या करिअरमध्ये खूप महत्त्व आहे. हा चित्रपट बॉक्स ऑफिसवर जबरदस्त हिट ठरला होता. या चित्रपटाचे दिग्दर्शन आदित्य धर यांनी केले होते. यामध्ये यामी गौतमही मुख्य भूमिकेत होती. या चित्रपटाने पहिल्या दिवशी 8 कोटी 20 लाखांची कमाई केली होती. बॉक्स ऑफिसवर तो ब्लॉकबस्टर म्हणून घोषित झाला. या यादीत हा चित्रपट तिसऱ्या क्रमांकावर आहे

बॅड न्यूजमध्ये विकी कौशल आणि तृप्ती डिमरी यांची जोडी दिसली होती. या चित्रपटाचे दिग्दर्शन आनंद तिवारी यांनी केले होते. हा चित्रपट रोमँटिक ड्रामा होता, चित्रपटाने पहिल्या दिवशी 8 कोटी 62 लाखांची कमाई केली होती. बॉक्स ऑफिसवर चित्रपट सरासरी ठरला. या चित्रपटाने यादीत दुसरे स्थान पटकावले आहे.

विकी कौशलचा छावा हा त्याच्या करिअरमधील आतापर्यंतचा सर्वात मोठा ओपनिंग चित्रपट ठरला आहे. हा चित्रपट ऐतिहासिक नाटक चित्रपट आहे. या चित्रपटाने पहिल्या दिवशी 31 कोटींची कमाई केली आहे. हा चित्रपट पहिल्या क्रमांकावर आपले स्थान निर्माण करण्यात यशस्वी ठरला आहे.