विकी कौशलचा छावा हा सिनेमा दिवसेंदिवस नवनवीन इतिहास रचताना दिसत आहे. सलग तिसऱ्या आठवड्यात छावाने बॉक्स ऑफिसवर वर्चस्व गाजवले आहे. या चित्रपटाने सोमवारी ‘पुष्पा २’ चा इतिहास मोडला आहे. दुसरीकडे, सोहम शाहच्या ‘क्रेझी’ची कमाई लाखोंपर्यंत मर्यादित राहिली आहे. सोमवारी या चित्रपटांनी बॉक्स ऑफिसवर किती कमाई (Chhava movie box office collection third week) केली हे आज आपण जाणून घेणार आहोत.
‘छावा’ने सोमवारी बॉक्स ऑफिसवरून ८.५० कोटी रुपये कमावले आहेत. जरी, रविवारच्या तुलनेत ही कमाई खूपच कमी असली तरी, एकूण कलेक्शनच्या बाबतीत चित्रपट अव्वल स्थानावर आहे. ‘छावा’ने (Chhava box office collection) रविवारी २४.२५ कोटी रुपये कमावले आणि तिसऱ्या रविवारी सर्वाधिक कमाई करणारा चित्रपट ठरला. रविवारी त्याने एकूण १० चित्रपटांचे रेकॉर्ड मोडले.
‘छावा’च्या एकूण कलेक्शनबद्दल बोलायचे झाले तर, चित्रपटाने आतापर्यंत बॉक्स ऑफिसवरून ४६७.२५ कोटी रुपये कमावले आहेत. या कलेक्शनमुळे, सोमवारी या चित्रपटाने ‘पुष्पा २’ च्या हिंदी व्हर्जनलाही मागे टाकले. विकी कौशलच्या चित्रपटाने तिसऱ्या आठवड्यात ६०.१० कोटी रुपये कमावले, तर ‘पुष्पा २’ च्या हिंदी व्हर्जनने तिसऱ्या आठवड्यात फक्त ६० कोटी रुपये कमावले.
सोहम शाहचा ‘क्रेझी’ हा चित्रपट गेल्या शुक्रवारी थिएटरमध्ये प्रदर्शित झाला आणि आठवड्याच्या शेवटी, सोमवारपर्यंत त्याची कमाई लाखोंपर्यंत मर्यादित होती. गिरीश कोहली दिग्दर्शित या चित्रपटाने चौथ्या दिवशी ७५ लाख रुपये कमावले. पहिल्या दिवशी या चित्रपटाने १ कोटी रुपयांची कमाई केली. ‘क्रेझी’ने दुसऱ्या दिवशी १.३५ कोटी रुपये कमावले. तिसऱ्या दिवशी चित्रपटाचे कलेक्शन फक्त १.४ कोटी रुपयांवर घसरले.
माध्यमातील वृत्तानुसार ‘क्रेझी’ हा चित्रपट २० कोटी रुपयांच्या बजेटमध्ये बनवण्यात आला आहे. चित्रपटाच्या एकूण कलेक्शनबद्दल बोलायचे झाले तर, आतापर्यंत बॉक्स ऑफिसवरून फक्त ४.५० कोटी रुपयेच कमावले आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
लग्नानंतरची गोष्ट सांगणार ‘हार्दिक शुभेच्छा… पण त्याचं काय?’; चित्रपटाचा धमाकेदार ट्रेलर रिलीझ
सिकंदरच्या पहिल्या गाण्याची झलक आली समोर; रश्मिका सोबत थिरकणार सलमान…
