सनी देओल स्टारर बहुचर्चित चित्रपट ‘बॉर्डर 2’ ची चाहत्यांना प्रचंड उत्सुकता आहे. हा चित्रपट 23 जानेवारी रोजी सिनेमागृहात प्रदर्शित होणार असून, सनी देओलसोबत वरुण धवन आणि दिलजीत दोसांझही प्रमुख भूमिकेत दिसणार आहेत. मात्र या चित्रपटात आणखी एका स्टारकिडकडे सगळ्यांचे लक्ष लागले आहे—तो म्हणजे सुनील शेट्टी यांचा मुलगा अहान शेट्टी.
अहान शेट्टीने चार वर्षांपूर्वी ‘तडप’ या चित्रपटातून बॉलिवूडमध्ये पदार्पण केले होते. या चित्रपटात त्याच्यासोबत तारा सुतारिया मुख्य भूमिकेत होती. चित्रपटात दोघांमधील इंटिमेट सीन, दमदार अॅक्शन आणि भावनिक कथा असूनही ‘तडप’ बॉक्स ऑफिसवर अपेक्षित यश मिळवू शकली नाही आणि सुपरफ्लॉप ठरली. त्यामुळे अहानचे डेब्यूच अपयशी ठरले आणि त्याच्या करिअरबाबत प्रश्नचिन्ह निर्माण झाले.
आता मात्र अहान शेट्टीसाठी ‘बॉर्डर 2’ ही मोठी संधी मानली जात आहे. या चित्रपटात तो भारतीय हवाई दलाच्या जवानाची भूमिका साकारताना दिसणार आहे. नुकत्याच प्रदर्शित झालेल्या ट्रेलर आणि गाण्यांमधून अहानच्या भूमिकेची झलक पाहायला मिळाली असून, त्याचा लूक आणि बॉडी लँग्वेज प्रेक्षकांचे लक्ष वेधून घेत आहेत.
‘बॉर्डर 2’ चे दिग्दर्शन अनुराग सिंह यांनी केले असून, कथा सुमित अरोरा, जेपी दत्ता आणि निधी दत्ता यांनी मिळून लिहिली आहे. देशभक्ती, भावना आणि भव्यतेचा संगम असलेला हा चित्रपट अहान शेट्टीच्या करिअरसाठी टर्निंग पॉइंट ठरेल का, याकडे सगळ्यांचे लक्ष लागले आहे. आता 23 जानेवारीनंतरच कळेल की ‘बॉर्डर 2’ (Border 2)अहानच्या नशिबात खरोखरच नवा उजाळा आणते का.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
काळ्या रंगाच्या ड्रेसमध्ये रकुल प्रीत सिंगचा सुंदर लुक; सोशल मीडियावर होतोय व्हायरल
