बॉलिवूडची ‘क्वीन’ कंगना रणौत नेहमीच तिच्या निर्भिड अंदाजासाठी ओळखली जाते. कंगना तिचे मत मांडताना कधीच मागेपुढे पाहत नाही. अभिनेत्री सध्या तिच्या आगामी चित्रपटांमुळे बरीच चर्चेत आहे. अलीकडेच तिच्या आगामी ‘धाकड’ चित्रपटाचे शूटिंग पूर्ण झाले आहे. अशातच कंगनाने रॅप अप पार्टीचे फोटो तिच्या इंस्टाग्रामवर पोस्ट केले.
कंगना सोशल मीडियावर खूप सक्रिय आहे आणि रोज ती काही ना काही पोस्ट करत राहते. कंगना आगामी ‘धाकड’ चित्रपटात पूर्णपणे ऍक्शन मोडमध्ये दिसणार आहे. अशामध्ये तिने शेअर केलेले फोटो सोशल मीडियावर मोठ्या प्रमाणात व्हायरल होत आहेत. (kangana ranaut shared a photo in a bold look users took class)
कंगनाने दाखवला बोल्ड अवतार
कंगनाने तिचे फोटो शेअर केले आहेत, त्यात ती बोल्ड लूकमध्ये दिसत आहे. कंगनाच्या फोटोंमध्ये बॅकग्राउंडला सूर्यास्त दिसत आहे. हे फोटो पाहून असे वाटत आहे की, अभिनेत्री एका तलावाच्या काठावर उभी आहे.
एवढेच नाही, तर कंगनाने या फोटोंमध्ये पांढऱ्या रंगाचे ब्रालेट घातले आहे. यासह तिने हाय वेस्ट पँट घातली आहे. कंगनाने स्टाईलला वाढवण्यासाठी तिच्या केसांचा एक अंबाडा बनवला आहे आणि गळ्यात सोन्याची साखळी घालून तिचा लुक पूर्ण केला आहे. विशेष गोष्ट म्हणजे, हे फोटो शेअर करत कंगनाने गालिबची शायरी लिहिली आहे. तिने लिहिले की, “मोहब्बत में नहीं है फर्क जीने और मरने का, उसी को देखकर जीते हैं जिस काफिर पर दम निकले.”
युजर्सच्या प्रतिक्रिया
हा लूक पाहून काही चाहते कंगनाचे कौतुक करत आहेत, तर दुसरीकडे काहीजण अभिनेत्रीला ट्रोल करताना दिसत आहेत. अभिनेत्रीला ट्रोल करताना एका युजरने लिहिले की, “मॅडम, तुम्ही इतरांच्या पोस्टवर कमेंट करता, ही पोस्ट अपलोड करताना तुम्हाला काही वाटले नाही का? यासोबतच आणखी एका युजरने लिहिले, “मॅडम, तुम्ही ही पारदर्शक ब्रा का घातली आहे का?”
‘धाकड’बद्दल बोलायचे झाले, तर हा चित्रपट रजनीश राजी घई यांनी दिग्दर्शित केला आहे. कंगनाचा हा चित्रपट जासूसी थ्रिलर आहे. ती यात एजंट अग्नीची भूमिका साकारत आहे. या चित्रपटात अर्जुन रामपाल आणि दिव्या दत्ता देखील मुख्य भूमिकेत आहेत. ‘धाकड’ व्यतिरिक्त, कंगनाकडे ‘थलायवी’, ‘तेजस’ आणि ‘मणिकर्णिका रिटर्न्स: द लेजेंड और दिद्दा’ देखील आहेत.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-या वीकेंडलाही ‘सुपर डान्सर’मध्ये शिल्पा शेट्टी गैरहजर; पण जॅकी अन् संगीताची जोडी लावणार ‘चार चाँद’
-युरोप फिरून ५ महिन्यानंतर मायदेशी परतली परिणीती चोप्रा; म्हणाली, ‘आपल्या घरासारखे…’
