अभिनेता नील भट्ट आणि त्याची पत्नी ऐश्वर्या शर्मा ‘स्मार्ट जोडी’ या टीव्ही शोमध्ये चाहत्यांचे मनोरंजन करताना दिसणार आहेत. शोचा प्रोमो प्रदर्शित झाला आहे. यामध्ये दोघेही ट्रोलिंगवर बोलताना दिसत आहेत. नीलचे म्हणणे आहे की, तो ट्रोलमुळे हैराण झाला आहे. ऐश्वर्याने तिचा ट्रोलिंगचा वाईट अनुभवही सांगितला. तिचे म्हणणे आहे की, लोक तिला वाईट शिवीगाळ करायचे. ते तिला मृत्यूचा शापही देत असे. ‘स्मार्ट जोडी’ २६ फेब्रुवारीपासून स्टार प्लसवर सुरू होत आहे. अलीकडेच या शोसाठी अंकिता लोखंडे आणि विकी जैन यांचीही नावे निश्चित झाली आहेत.
प्रेक्षकांचे प्रेम मिळाले पण…
स्टार प्लसच्या आगामी शो ‘स्मार्ट जोडी’साठी टीव्हीचे आवडते स्टार नील भट्ट (Neil Bhatt) आणि ऐश्वर्या शर्मा (Aishwarya Sharma) यांची नावे निश्चित झाली आहेत. त्याचा प्रोमोही चॅनेलने प्रदर्शित केला आहे. या प्रोमोमध्ये नीलने धक्कादायक खुलासा केला आहे. त्याने सांगितले की, त्याला लोकांचे खूप प्रेम मिळाले असले तरी प्रेक्षकांचा एक भाग असाही आहे जो ट्रोलिंगकडे अधिक आहे. तिथून त्रास सुरूच असतो.
ऐश्वर्याला म्हणायचे एक घाणेरडी बाई
यावर होस्ट मनीष पॉल विचारतो, ट्रोलिंग म्हणजे? तेव्हा ऐश्वर्या उत्तर देते की, “ही कोण आहे, तू तिच्याशी लग्न का करत आहेस, ती खूप घाणेरडी मुलगी आहे, खूप घाणेरडी स्त्री आहे, खूप सगळ्या शिव्या, तू तर मरून गेली पाहिजे कोरोनाने.” नील आणि ऐश्वर्याचे बोलणे ऐकून मनीषही थक्क झाला.
‘हे’ स्पर्धक ‘या’ शोमध्ये आहेत दिसणार
अंकिता लोखंडे विकी जैनसोबत स्मार्ट जोडीमध्ये येत आहे. त्यांच्याशिवाय शोसाठी भाग्यश्री-हिमालय दसानी, राहुल महाजन-नताल्या इलिना, अर्जुन बिजलानी-नेहा स्वामी आणि मोनालिसा-विक्रांत सिंग राजपूत यांची नावे फायनल करण्यात आली आहेत.
‘गुम है किसिके प्यार में’मध्ये पाखीची भूमिका साकारणारी ऐश्वर्या शर्मा सोशल मीडियावर खूप सक्रिय आहे. काही दिवसांपूर्वी तिने सोशल मीडियावर एक व्हिडिओ शेअर केला होता. ऐश्वर्या शर्मा सतत तिचे व्हिडिओ शेअर करत राहते. या व्हिडिओंमध्ये ती अनेकदा दयाबेनची भूमिका साकारताना दिसते. अभिनेत्रीचे दयाबेनच्या रूपात पुन्हा पुन्हा दिसणे हे दर्शवते की, ती या भूमिकेबद्दल खरोखर प्रेरित आहे. ‘गुम है किसी के प्यार में’मध्ये नील आयपीएस विराटची भूमिका साकारत आहे.
हेही वाचा :
