सध्या सिनेमागृहात अक्षय कुमारचा (Akshay Kumar) ‘सम्राट पृथ्वीराज’ चित्रपटाची जोरदार चर्चा पाहायला मिळत आहे. चित्रपटातील अक्षय कुमारच्या भूमिकेचे सर्वत्र कौतुक होत आहे. या चित्रपटाच्या यशानंतर आता अक्षय कुमार करण जोहरच्या आगामी बायोपिकवर आधारित चित्रपटात झळकणार आहे. वकील सी. शंकरन नायर यांची बायोपिक आहे. करणने या बायोपिकसाठी अक्षय कुमार आणि सुंदर अभिनेत्री अनन्या पांडेची (ananya panday) नावे निश्चित केली आहेत. आता अक्षय कुमारच्या चाहत्यांना या चित्रपटाची उत्सुकता लागली आहे.
करण जोहर त्याच्या ‘रॉकी और रानी की प्रेम कहानी’ या चित्रपटाचे शूटिंग पूर्ण करताच सी शंकरन नायरच्या बायोपिकवर काम सुरू करणार आहे. अक्षय कुमार-अनन्या पांडे ही नावे या चित्रपटासाठी निश्चित करण्यात आली आहेत. परंतु अनन्याने अद्याप चित्रपटासाठी होकार दिलेला नाही. अनन्याने सहमती दर्शवताच चित्रपटाची अधिकृत घोषणा केली जाईल, असेही सांगण्यात आले आहे.चित्रपटात अक्षय कुमार सी शंकरन नायरच्या भूमिकेत दिसणार आहे. त्याचबरोबर अनन्या पांडे एका खास भूमिकेत दिसणार आहे. या चित्रपटात ती एका लढाऊ महिला वकिलाच्या भूमिकेत दिसणार आहे.
करण सिंग त्यागी या चित्रपटाचे दिग्दर्शन करणार आहेत. या चित्रपटातून करण सिंग दिग्दर्शक म्हणून बॉलिवूडमध्ये पदार्पण करणार आहेत. हा चित्रपट करण जोहरच्या धर्मा प्रॉडक्शनच्या बॅनरखाली प्रदर्शित होणार आहे. या बायोपिकला निर्मात्यांनी ‘द अनटोल्ड स्टोरी ऑफ सी शंकरन नायर’ असे नाव दिले असल्याचे सांगितले जात आहे. अंदाजानुसार हा चित्रपट रघु आणि पुष्पा यांच्या ‘द केस दॅट शुक एम्पायर’ या पुस्तकावर आधारित आहे. हा चित्रपट संपूर्ण कोर्ट ड्रामा आहे.या चित्रपटात ब्रिटिश राजवटीत पंजाबमधील हत्याकांड दाखवण्यात येणार आहे. त्याच वेळी, त्या काळात लेफ्टनंट गव्हर्नर असलेल्या मायकेल ओडेरची भूमिका उघड करण्यासाठी वकिलाची धडपड पडद्यावर दाखवली जाईल.
सी शंकरन नायर कोण होते?
सी शंकरन नायर यांनी 1915 मध्ये व्हाइसरॉयच्या कार्यकारी परिषदेचे सदस्य म्हणून काम केले होते, परंतु 1919 मध्ये जालियनवाला बाग हत्याकांडानंतर त्यांनी राजीनामा दिला. पुढे 1897 मध्ये अमरावती येथे झालेल्या अधिवेशनात त्यांनी भारतीय राष्ट्रीय काँग्रेसचे अध्यक्षपदही भूषवले. सी शंकरन हे मद्रास उच्च न्यायालयात वकील आणि न्यायाधीश होते. ते देशातील सर्वात आश्वासक वकिलांपैकी एक होते.
- हेही वाचा –
- Anniversary | लग्नाच्या वाढदिवसानिमित्त आर माधवनने पत्नीला दिल्या प्रेमळ शुभेच्छा, शेअर केला थ्रोबॅक फोटो
- धक्कादायक| गर्लफ्रेंडला भेटायला गेलेल्या रॅपरची गोळ्या घालून हत्या,गर्लफ्रेंडच्या मित्रावरच व्यक्त केला जातोय संशय
- भोजपुरी गायिका शिल्पी राजच्या नवीन गाण्याने घातला धुमाकूळ, तब्बल आठ कोटी लोकांनी पाहिला व्हिडिओ
