शनिवारी (दि. २० ऑगस्ट) सुपरस्टार अक्षय कुमार याचा ‘कठपुतली’ या सिनेमाचा ट्रेलर चाहत्यांच्या भेटीला आला. मुंबईत आयोजित एका कार्यक्रमादरम्यान हा ट्रेलर लाँच करण्यात आला. यादरम्यान अक्षयने माध्यमांशी संवादही साधला. सध्या बॉलिवूडमधील अधिकतर सिनेमांचा निकाल हा फ्लॉप असाच ठरताना दिसत आहे. अक्षयचा ‘रक्षाबंधन’ हा सिनेमादेखील मागील आठवड्यात प्रदर्शित झाला होता. मात्र, या सिनेमाला प्रेक्षकांची मने जिंकण्यात अपयश आले. या कार्यक्रमादरम्यान अक्षयला बॉलिवूड सिनेमांच्या खराब कामगिरीबद्दल विचारण्यात आले, यावर त्याने काय उत्तर दिले चला जाणून घेऊया…
सिनेमे फ्लॉप होण्यावर काय म्हणाला अक्षय?
सुपरस्टार अक्षय कुमार (Akshay Kumar) याने बॉलिवूड सिनेमे चांगली कामगिरी का करत नाहीत यावर मौन सोडले. तो म्हणाला की, त्याला प्रेक्षकांबद्दल जाणून घ्यायचे आहे की, त्यांना काय आवडत आहे. त्याने माध्यमांशी संवाद साधताना म्हटले की, “सिनेमे न चालण्यामागे आमची चूक आहे, माझी चूक आहे. मला बदल करावा लागेल, समजावे लागेल की, प्रेक्षकांना काय हवं आहे. त्यासाठी इतर कुणालाही नाही, तर मला दोषी ठरवले पाहिजे.”
View this post on Instagram
अक्षयची ग्रँड एन्ट्री
ट्रेलर लाँच कार्यक्रमामध्ये अक्षय कुमारने ग्रँड एन्ट्री केली होती. त्याने स्टेजवर ‘कठपुतली’ अभिनय सादर केला. या सिनेमाचे दिग्दर्शन रंजीत एम. तिवारी यांनी केले आहे. त्याने सिनेमाच्या साऊथ रिमेकवर म्हटले की, “हा ‘रत्ससन’ या सिनेमाने प्रेरित आहे. या सिनेमाला कधीही मिशन सिंड्रेला म्हटले गेले नाही. हा नेहमी कठपुतलीच होता. हे आम्ही मसूरी आणि यूकेमध्ये शूट केले आहे.”
कधी होणार प्रदर्शित
‘कठपुतली’ या सिनेमाची कहाणी कसौली या एका छोट्या शहरातील आहे, जिथे ३ हत्या होतात आणि त्यामागे एका सीरियल किलरचा हात असतो. अक्षय आणि त्याची टीम सीरियल किलरच्या शोधात आहे. या सिनेमात अक्षय कुमारसोबतच रकुल प्रीत सिंग ही अभिनेत्री मुख्य भूमिकेत आहे. हा सिनेमा चित्रपटगृहात नाही, तर थेट ओटीटीवर प्रदर्शित केला जाणार आहे. हा सिनेमा २ सप्टेंबर रोजी डिझ्नी+हॉटस्टारवर प्रदर्शित केला जाणार आहे. अक्षय आणि रकुलसोबतच सरगुन मेहता आणि चंद्रचूड सिंग हेदेखील मुख्य भूमिकेत आहेत.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
श्रद्धाचे मनमोहक फोटो पाहून बोल्ड अभिनेत्रींनाही जाल विसरून, खूपच सुंदर दिसतेय ‘चिरकुट’
बॉलिवूडवर शोककळा! ब्लॉकबस्टर सिनेमे बनवणाऱ्या निर्मात्याचं निधन, सुनेने दिली महत्त्वाची माहिती
‘दीपवीर’ने अलिबागमध्ये खरेदी केले नवीन घर, ‘एवढे’ कोटी मोजत बनले मालक, गृहप्रवेशाची पूजा संपन्न
