बॉलिवूडचे ‘शहेनशहा’ अमिताभ बच्चन गेल्या काही दिवसांपासून पान मसाला जाहिरातीमुळे चर्चेत आहेत. अमिताभ बच्चन पान मसाला जाहिरातीचे प्रमोशन करताच चाहते चिडले आहेत. अशा परिस्थितीत आता ‘नॅशनल ऑर्गनायझेशन फॉर इरेडिकेशन ऑफ टोबॅको’नेही या प्रकरणात हस्तक्षेप केला आहे.
बिग बींना पाठवले अधिकृत पत्र
माध्यमांतील वृत्तानुसार, एनजीओद्वारे बिग बींना एक अधिकृत पत्र पाठवण्यात आले आहे. ज्यात त्यांना ही जाहिरात मोहिम लवकरात लवकर सोडण्यास सांगण्यात आली आहे. ‘नॅशनल ऑर्गनायझेशन फॉर इरेडिकेशन ऑफ टोबॅको’चे अध्यक्ष शेखर साल्कर यांनी बिग बींना लिहिलेल्या पत्रात असे म्हटले आहे की, पान मसाला आणि तंबाखूचा वापर आरोग्यासाठी हानिकारक असल्याचे अनेक संशोधनात सिद्ध झाले आहे. बिग बी हे सरकारच्या हायप्रोफाईल पल्स पोलिओ मोहिमेचे ब्रँड एम्बेसेडर असल्याने त्यांनी लवकरात लवकर पान मसाला जाहिरात मोहिम सोडली पाहिजे.
शाहरुख आणि रणवीरचाही केला उल्लेख
शेखर साल्करने पत्रात पुढे लिहिले की, “एक ऑन्कोलॉजिस्ट आणि तंबाखूविरोधी एनजीओचा सदस्य असल्याने मला संशयास्पद उपायांविरोधात लढण्यासाठी दुःख झाले आहे आणि मी नाराज आहे. शाहरुख खान, अजय देवगण, रणवीर सिंग आणि ऋतिक रोशन सारख्या अनेक महान बॉलिवूड कलाकारांनी अशा प्रकारचे काम केले आहे. यामुळे विद्यार्थ्यांमध्ये तंबाखूचे सेवन वाढत आहे.”
पान मसाला जाहिरातीसाठी ट्रोल झाल्यावर बिग बींनी केली पोस्ट
अलीकडेच, बिग बींनी एक पोस्ट केली आहे. या पोस्टमध्ये बिग बींनी लिहिले की, “घड्याळ खरेदी करून, मी झ्यामा हातात घातले आणि वेळ माझ्यामागे लागला.” यावर एका सोशल मीडिया युजरने लिहिले की, “धन्यवाद सर, तुम्हाला फक्त एकच गोष्ट विचारायची आहे… तुम्हाला कमला पसंद पान मसाल्याची जाहिरात करण्याची काय गरज होती, मग तुमच्यात आणि यांच्यामध्ये काय फरक आहे?”
बिग बींनी मागितली माफी
या सोशल मीडिया युजरला उत्तर देताना अमिताभ यांनी लिहिले, “मान्यवर, मी माफी मागतो, जर कोणी कोणत्याही व्यवसायात चांगले करत असेल, तर आपण त्याच्याशी का संबंध ठेवत आहोत याचा विचार करू नये. होय, जर एखादा व्यवसाय असेल, तर आपल्याला त्यामध्ये आपल्या व्यवसायाचाही विचार करावा लागेल. आता तुम्हाला असे वाटते की मी हे करू नये, पण असे केल्याने मला पैसेही मिळतात, पण आमच्या उद्योगात काम करणारे आणखी बरेच लोक आहेत.”
यानंतर, बिग बींनी आणखी एका प्रतिक्रियेमध्ये पुढे लिहिले की, “जे कर्मचारी आहेत, त्यांनाही काम आणि पैसे मिळतात आणि प्रिय, खोडसाळपणा हा शब्द तुमच्या तोंडाला शोभत नाही, किंवा तो आमच्या उद्योगातील इतर कलाकारांना शोभत नाही. मी तुम्हाला आदराने नमस्कार करतो.”
वर्कफ्रंटबद्दल बोलायच झाले, तर अमिताभ बच्चन ‘कौन बनेगा करोडपती १३’ होस्ट करत आहेत. अमिताभ बच्चन देखील अनेक चित्रपटांमध्ये दिसणार आहेत. त्यांनी अनेक सुपरहिट चित्रपटांमध्ये काम केले आहे. ते लवकरच ‘झुंड’, ‘ब्रह्मास्त्र’ आणि ‘द इंटर्न रिटर्न्स’ सारख्या चित्रपटांमध्ये दिसणार आहेत.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-‘रंग माझा वेगळा’ मालिकेने गाठला ५०० एपिसोड्सचा टप्पा, कलाकारांनी ‘अशा’प्रकारे साजरा केला खास क्षण
-ड्रग्ज प्रकरणी अभिनेता गौरव दीक्षितला मिळाला जामीन, पण कोर्टाने दिल्या ‘कडक’ सूचना
-कृष्णा अभिषेकने असे काय केले की, नेहा कक्करला कोसळले रडू? पाहा ‘हा’ व्हिडिओ
