बॉलिवूडचे महानायक अमिताभ बच्चन (Amitabh Bachchan) यांचा १९९८ मध्ये आलेला ‘सूर्यवंशम’ हा चित्रपट बॉक्स ऑफिसवर फ्लॉप ठरला होता. पण आज हा चित्रपट इतका लोकप्रिय आहे की, प्रेक्षकांना प्रत्येक पात्राची नावे आठवतात. याचे मुख्य कारण म्हणजे टीव्हीवर हा चित्रपट सतत दाखवणे. सेट मॅक्स या टीव्ही चॅनेलवर हा चित्रपट सतत येत राहतो.
प्रेक्षक कितीही वेळा चित्रपट पाहत आले, तरी त्यांना हा चित्रपट खूप आवडतो आणि तेच लोक हा चित्रपट पाहतात. प्रेक्षकांनी हा चित्रपट इतक्या वेळा पाहिला आहे की, चित्रपटातील प्रत्येक सीन, प्रत्येक डायलॉग आणि प्रत्येक पात्र लक्षात राहिले आहे. या चित्रपटात अमिताभ बच्चन यांनी दुहेरी भूमिका साकारली होती. त्यांनी स्वतः पिता-पुत्राची भूमिका साकारली होती. या चित्रपटात हीरा ठाकूरच्या मुलाची भूमिका करणाऱ्या मुलाने सर्वांचे लक्ष वेधून घेतले. चित्रपटातील आजोबा-नातू हा सीन खूपच सुंदर आहे.
‘सूर्यवंशम’ या चित्रपटात अमिताभ बच्चन यांच्या धाकट्या नातवाची भूमिका आनंद वर्धन (Anand Vardhan) याने केली होती. ठाकूर भानुप्रताप यांना विषारी खीर खाऊ घातलेला मुलगा आता मोठा झाला आहे आणि देखणाही आहे. आनंद वर्धन हा प्रसिद्ध गायक पीबी श्रीनिवास यांचा नातू आहे.
आनंद हा तेलुगू अभिनेता आहे जो मूळचा आंध्र प्रदेशचा आहे. वयाच्या अवघ्या तिसऱ्या वर्षी त्याने मोठ्या पडद्यावर पदार्पण केले. आनंदचे आजोबा बीपी श्रीनिवास हे गायक होते आणि त्यांचे नाव मोठ्या गायकांपैकी एक आहे. त्यांनी त्यांच्या कारकिर्दीत ३ हजारांहून अधिक गाणी गायली आहेत. २०१३ मध्ये वयाच्या ८२ व्या वर्षी चेन्नई येथे त्यांचे निधन झाले. आपल्या नातवाने अभिनेता व्हावे, अशी श्रीनिवास यांची इच्छा होती.
आजोबांमुळे चित्रपटसृष्टीशी संबंधित लोक आनंदच्या घरी जायचे. आनंद वर्धन याने बालकलाकार म्हणून १९९७ मध्ये ‘प्रियरगालू’ या चित्रपटाद्वारे करिअरला सुरुवात केली. पण ‘सूर्यवंशम’ चित्रपटाने आनंद वर्धनला एका रात्रीत स्टार बनवले.
आता लहान भानू प्रतापला फोटो पाहून ओळखणे कठीण आहे कारण तो एक माचो मॅन झाला आहे. होय, आनंद वर्धनचे काही फोटो सोशल मीडियावर प्रचंड व्हायरल होत आहेत. या फोटोंमध्ये तो हँडसम हंक दिसत आहे. मोठा झाल्यानंतरही आनंद अनेक चित्रपटांमध्ये दिसला आणि तेलुगू चित्रपटांमध्ये नशीब आजमावत आहे.
आनंदने आपल्या चित्रपट कारकिर्दीत आतापर्यंत अनेक दिग्गज अभिनेत्यांसोबत काम केले आहे. एका मुलाखतीत त्याने सांगितले की, तो जवळपास १२ वर्षांपासून फिल्म इंडस्ट्रीपासून दूर आहे. लवकरच तो प्रदीर्घ गॅपनंतर टॉलिवूडमध्ये पुन्हा एन्ट्री करणार आहे. आनंद बऱ्याच दिवसांपासून चांगल्या स्क्रिप्टची वाट पाहत आहे.
हेही वाचा –
