दाक्षिणात्य सुपरस्टार कमल हासनच्या चाहत्यांसाठी एक आनंदाची बातमी समोर आली आहे. अभिनेता आणि राजकारणी कमल हासन यांना कोव्हिड-१९ च्या सौम्य लक्षणांमुळे रुग्णालयात दाखल करण्यात आले होते. मात्र आता ते पूर्णपणे निरोगी असून, स्वतः कमल हसन यांनी त्यांच्या एका वक्तव्याद्वारे ही माहिती त्यांच्या हितचिंतकांना दिली आहे. ते पूर्ण बरे झाल्यानंतर, त्यांना शनिवारी (४ डिसेंबर) रुग्णालयातून डिस्चार्ज देण्यात आला. रुग्णालयातून डिस्चार्ज मिळाल्यानंतर कमल हासन म्हणाले की, ते संसर्गातून लवकर बरे झाले आहेत.
शुभचिंतकांचे मानले आभार
कमल हासन यांनी पोस्ट शेअर करून, डॉ. जे.एस.एन. मूर्ती यांनी भावासारखी वागणूक दिल्याबद्दल त्यांचे आभार मानले आहेत. त्याच बरोबर, अभिनेत्याने त्यांच्या लवकरात लवकर बरे होण्यासाठी प्रार्थना करणाऱ्या सर्व शुभचिंतकांचे आभार मानले. शिवाय त्यांनी सर्वांना कोरोना संसर्गाबाबत खबरदारी घेण्यासही सांगितले. (actor kamal haasan discharged from hospital after complete recovery from mild covid 19)
முன்னெச்சரிக்கைகள் முடிந்தவரை காக்கும். அவற்றையும் மீறி சுகம் கெட்டால், நாம் எடுத்த நடவடிக்கைகளே நம்மை விரைவில் குணப்படுத்தவும் கூடும். தொற்றுத் தாக்கியும் விரைந்து மீண்டிருக்கிறேன். எத்தனை உள்ளங்கள் என்னலம் சிந்தித்தன என்றெண்ணியெண்ணி மகிழ்ந்து இருக்கிறேன். pic.twitter.com/IScdLsBjOL
— Kamal Haasan (@ikamalhaasan) December 4, 2021
आढळून आली कोरोनाची लक्षणे
कमल हसन यांना अमेरिकेतून परतल्यानंतर संसर्ग झाल्याचे आढळून आले होते. कमल हाऊस ऑफ खद्दार नावाचा त्याच्या कपड्यांचा ब्रँड लॉन्च करण्यासाठी ते अमेरिकेत होते. त्यांनी २२ नोव्हेंबरला ट्वीट करून आपल्या चाहत्यांना याची माहिती दिली होती. त्यांनी ट्वीट केले होते की, “अमेरिकेतून परतल्यानंतर मला सौम्य खोकला झाला. माझी चाचणी केली असता, कोरोना विषाणूची लागण झाल्याचे आढळून आले. मला हॉस्पिटलमध्ये क्वारंटाईन करण्यात आले आहे. सर्वांनी कोव्हिड-१९ पासून सावध राहावे.”
लवकरच परतणार शूटिंगवर
काही दिवसांपूर्वी कमल हासन यांनी सांगितले होते की, त्यांची तब्येत पूर्वीपेक्षा चांगली आहे आणि ते लवकरच कामावर परतणार आहेत. हॉस्पिटलने जारी केलेल्या हेल्थ बुलेटिननुसार कमल यांना ३ डिसेंबरपर्यंत आयसोलेशनमध्ये ठेवण्यात आले होते. काल म्हणजेच शनिवारी त्यांना रुग्णालयातून डिस्चार्ज देण्यात आला. त्यानंतर अभिनेता लवकरच पुन्हा एकदा कामावर परतणार आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-मिलिंद गुणाजी यांच्या मुलाचा साखरपुडा थाटात पडला पार, सूनबाई आहेत ‘या’ क्षेत्राशी निगडित
-ऐकलंत का! गायिका योगिता बोराटेंचा ‘प्रेमरंग’ कार्यक्रम लवकरच प्रेक्षकांच्या भेटीला
