बॉलिवूड अभिनेता रणवीर सिंगला खेळाची खूप आवड आहे. त्याला खेळायला आणि खेळ पाहायला देखील खूप आवडते. खऱ्या आयुष्यात देखील रणवीरचा खेळाशी दृढ संबंध आहे. शेवटी, त्याने महान बॅडमिंटनपटूंपैकी एक मानले जाणाऱ्या प्रकाश पदुकोण यांच्या मुलीशी दीपिका पदुकोणशी लग्न केले असून त्याची मेहुणी अनिशा एक गोल्फर आहे. नुकतेच त्याने त्याच्या सासरचे खूप कौतुक केले आणि तो त्याच्या सासरी गेल्यावर त्याचा वेळ कसा घालवतो सासरच्या घरी गेल्यावर कुटुंबासोबत कसा वेळ घालवला हे सांगितले.
रणवीर सिंगने (Ranveer Singh) सांगितले की, जेव्हा तो सासरच्या घरी असतो तेव्हा तो नक्कीच बॅडमिंटन खेळतो. रणवीरला ॲथलेटिक असल्याचा अभिमान आहे. आपल्या सासरचे कौतुक करताना अभिनेता म्हणाला की, वयाच्या 66व्या वर्षीही त्यांचे सासरे प्रकाश पदुकोण (Prakash Padukone) यांच्याकडे ज्याप्रकारे प्रतिभा आहे, ते पाहून त्यांना अनेकदा आश्चर्य वाटते.
रणवीरने सासरचे केले कौतुक
माध्यमांना दिलेल्या मुलाखतीत तो म्हणाला की, “मी तुम्हाला सांगतो, प्रकाश पदुकोण, माझे सासरे आजही जेव्हा बॅडमिंटनचे रॅकेट घेतात, तेव्हा ते शो ठेवतात. ते एका जागी उभा राहून आम्हाला मार्गदर्शन करतात. ते मूडमध्ये असताना अशा ट्रिक सुरू करतात, ज्या ऐकून पाहून तुमचेही भान हरपेल. त्यांची ऊर्जा आश्चर्यकारक आहे. ते खरोखर एक लिजेंड आहेत. याशिवाय, ते आपल्याबरोबर ज्या प्रकारचे ज्ञान आणि मूल्ये जपतात ते अमूल्य आहेत. ते जे काही शिकवतात ते मी जपतो.”
रणवीर दीपिकाला दहा वर्षातही खेळात हरवू शकला नाही. त्याने पुढे सांगितले की, “खेळात तो केवळ सासरच्या मंडळींकडून हरत नाही, तर पत्नीसोबतही तो गेम जिंकू शकला नाही.” त्याने सांगितले की, “दीपिका (Deepika Padukone) खेळातही सर्वोत्तम आहे.” रणवीरने सांगितले की, “आम्ही 2020मध्ये डेटिंगला सुरुवात केली. 10 वर्षे झाली, मी अजूनही दीपिकाला हरवू शकलो नाही. मी प्रयत्न केला नाही असे नाही. पण तिला हरवण्यात माझा घाम निघतो हे सत्य आहे.” तो म्हणाला की, “एक वेळ होती जेव्हा ती मला 5 किंवा 10 गुणांनी हरवायची. आता मी 15-16 वर पोहोचलो आहे.”
सासरच्या घरी करतो टाईमपास
बेंगळुरूमध्ये सासरच्या घरी कौटुंबिक वेळ कसा असतो याबद्दल बोलताना रणवीर म्हणतो की, “आम्ही सिनेमावर फार कमी चर्चा करतो आणि आम्ही कुटुंब टीव्हीवर काही खेळ पाहतो. आम्ही सोफ्यावर एकत्र खेळ पाहतो. क्रिकेट, फुटबॉल, बास्केटबॉल, ऑलिम्पिक बघतो. हा आमचा आवडता उपक्रम आहे. माझी वहिनी मँचेस्टर युनायटेडची चाहती आहे. त्यामुळे आमच्यात मजेदार विनोद सुरूच असतात.”
बॉलिवूडच्या पॉवर कपलपैकी एक असलेले दीपिका आणि रणवीर सध्या आपापल्या कामात व्यस्त आहेत. अनेक सुपरहिट चित्रपटांमध्ये काम केलेल्या रणवीर-दीपिकाची प्रेमकहाणी खूपच रंजक आहे. ‘राम लीला’ या चित्रपटानंतरच दीपिका आणि रणवीर एकमेकांच्या जवळ आले. पण सत्य हे आहे की, चित्रपटाच्या शूटिंगपूर्वीच त्यांची प्रेमकहाणी सुरू झाली होती.
रणवीर सिंग आणि दीपिका पदुकोण 2018मध्ये विवाहबंधनात अडकले. लग्नाआधी रणवीर आणि दीपिकाने एकमेकांना 6 वर्षे डेट केले होते. जोडीने ‘गोलियों की रासलीला राम-लीला’ आणि ‘पद्मावत’ सारख्या ब्लॉकबस्टर चित्रपटांमध्ये एकत्र काम केले आहे. लग्नानंतर ही जोडी पहिल्यांदा ‘83′ चित्रपटात दिसली होती. हा चित्रपट डिसेंबर 2011मध्ये प्रदर्शित झाला होता. (actor ranveer singh could not beat deepika padukone in badminton told how family time spend in in laws house)
‘या’ कारणास्तव समंथाने सिनेसृष्टीतून घेतला ब्रेक, निर्मात्यांचा अॅडव्हान्सही केला परत
पद्मावतमधील अलाउद्दीन खिलजी भूमिकेसाठी रणवीर सिंग नाही तर ‘हा’ अभिनेता होता भन्साळी यांची पहिली पसंती
