अभिनयासोबतच सलमान खान त्याच्या औदार्यासाठी आणि लोकांना मदत करण्यासाठी ओळखला जातो. अशीच एक घटना रेमो डिसूझाने एका मुलाखतीदरम्यान शेअर केली होती. रेमो डिसूझाने सलमान खानचा ‘रेस 3’ दिग्दर्शित केला आहे, जो बॉक्स ऑफिसवर ब्लॉकबस्टर ठरला. रेमोने सांगितले की, जेव्हा त्याला गंभीर हृदयविकाराचा झटका आला तेव्हा सलमान त्याच्या संपूर्ण शस्त्रक्रियेदरम्यान फोनवर राहिला आणि त्याने रेमोला आधार दिला.
रेमो डिसूझाने एका पॉडकास्ट दरम्यान खुलासा केला, ‘मी ऑपरेशन थिएटरमध्ये गेल्यापासून सलमान ICU मध्ये आणि माझ्या पत्नीशी (लिझेल) सतत फोनवर बोलत होता. तो संपूर्ण वेळ कॉलवर उपस्थित होता.’ रेमोने सांगितले की, यामुळेच लोक सलमानवर इतके प्रेम करतात. त्याच्याकडे सोन्यासारखे मन आहे.
२०२० मध्ये रेमो डिसूझा याला हार्ट ब्लॉक झाला होता आणि त्याची कोकिलाबेन हॉस्पिटलमध्ये अँजिओग्राफी करावी लागली होती. रेमो डिसूझा पुढे त्याच मुलाखतीत त्या दिवसाबद्दल बोलला
रेमोने सांगितले की तो त्याच संध्याकाळी बिग बॉसच्या एका एपिसोडमध्ये हजर होणार होता. जेव्हा त्याला पहिल्यांदा अस्वस्थता जाणवली तेव्हा तो जिममध्ये होता, म्हणून त्याने व्यायाम करणे टाळले. पण त्याच्या सामान्य स्ट्रेचिंगमुळेही त्याला सतत वेदना होऊ लागल्या आणि शेवटी त्याला चिडचिड होऊ लागली. लिझेलने त्याला तेथून वैद्यकीय मदतीसाठी नेले असता हा प्रकार घडला.
रेमोने सांगितले की, ‘जेव्हा मी हॉस्पिटलमध्ये पोहोचलो तेव्हा डॉक्टरांनी मला सांगितले की मला १०० टक्के ब्लॉकेज आहे, हा एक मोठा हृदयविकाराचा झटका होता.’ रेमोने सांगितले की लीझेल त्यावेळी रडायला लागली होती, तो फिटनेस फ्रीक असून त्याला हृदयविकाराचा झटका आला यावर रेमोचा विश्वासच बसला नाही.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
स्त्री – 2 च्या आकडेवारीत गडबड ? प्रोड्यूसर फिगर ट्रेड फिगर प्रेक्षा वेगळी कशी ?
