रविवारी (दि. 18 डिसेंबर) कतारमध्ये पार पडलेला फीफा विश्वचषक 2022 स्पर्धेचा अंतिम सामना पाहण्यासाठी अनेक बॉलिवूड कलाकारांनी हजेरी लावली. यामध्ये ‘किंग खान’ म्हणजेच शाहरुख खान याच्या नावाचाही समावेश होतो. शाहरुखने या सामन्यापूर्वी त्याच्या ‘पठाण’ या आगामी सिनेमाचे प्रमोशन केले. यादरम्यान त्याने इंग्लंडचा माजी फुटबॉलपटू वेन रूनी याच्यासोबत ‘पठाण’ सिनेमाविषयी चर्चा केली. यावेळी शाहरुखने त्याच्यासोबत ‘दिलवाले दुल्हनिया ले जाएंगे’ सिनेमातील पोझही दिला.
शाहरुखला काय म्हणाला फुटबॉलपटू?
वेन रूनी (Wayne Rooney) याने शाहरुख खान (Shahrukh Khan) याला त्याच्या पात्राविषयी विचारले की, “पठाण कोण आहे? तो फुटबॉलमधील कोणासारखा आहे का?” यावर प्रत्युत्तर देत शाहरुख म्हणाला की, “तू इथे आहेस म्हणून मी असे म्हणत नाहीये. मी तुला प्रामाणिकपणे सांगेल की, ‘पठाण’ कोण आहे. पठाण तो व्यक्ती आहे, ज्याला तुम्ही शेवटच्या वेळी फोन करता. ज्यावेळी तुम्हाला समाधान मिळत नसते.”
शाहरुख पुढे म्हणाला की, “माझ्यासाठी, जर तू माझ्या बोलण्याचे वाईट वाटून घेणार नसशील, तर ‘पठाण’ची जगातील कोणत्याही फुटबॉलपटूशी बरोबरी होणार असेल, तर आधी किंवा नंतर नेहमी तूच असशील. तू एक भक्कम व्यक्ती आहेस.”
باثان مسيطر على شاروخان اوي❤️@iamsrk We Love you Sir ???? pic.twitter.com/XaDD4b3Ct5
— Samar❤️SRK❤️Ka❤️Pyaar❤️ (@PyaarSamar) December 18, 2022
विशेष म्हणजे, शाहरुख खानची जी सिग्नेचर पोझ पाहण्यासाठी नेहमीच सर्वजण आतुर असतात, ती पोझ यावेळी पाहायला मिळाली. शाहरुखने रूनीसोबत ‘दिलवाले दुल्हनिया ले जाएंगे’ (Dilwale Dulhania Le Jayenge) या सिनेमातील आपला पोझही दिला. यावेळी शाहरुख फुटबॉलपटूला ‘डीडीएलजे’ पोझही शिकवताना दिसला. यादरम्यानचा व्हिडिओ तुफान व्हायरल होत आहे.
He is so warm ????????❤️????pic.twitter.com/MqNJG9pQkd
— MAHA SRK FAN (@MahaanSRK) December 18, 2022
शाहरुखने घेतले होते मेस्सीचे नाव
खरं तर, फीफा विश्वचषक 2022 (Fifa World Cup 2022) स्पर्धेच्या अंतिम सामन्याच्या एक दिवस आधी शनिवारी (दि. 17 डिसेंबर) ट्विटरवर सेशन ठेवले होते. यावेळी त्याला एका युजरने प्रश्न विचारला होता की, तो फीफा विश्वचषकात कोणत्या संघाला पाठिंबा देईल? यावर शाहरुखने म्हटले होते की, “अरे भावा माझं मन म्हणतं मेस्सी. मात्र, एम्बाप्पेला मैदानात पाहणे ही एक ट्रीट आहे.”
शाहरुख खान याच्या ‘पठाण’ सिनेमाविषयी बोलायचं झालं, तर हा सिनेमा पुढील वर्षी 25 जानेवारी रोजी चित्रपटगृहात रिलीज होणार आहे. (actor shahrukh khan compares wayne rooney to pathaan gave ddlj pose see video)
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
‘अरे तुमच्या ताटात जेवण नाहीये…’, शाहरुखच्या ‘पठाण’ला ट्रोल करणाऱ्यांवर बरसली प्रसिद्ध अभिनेत्री
‘इतके पैसेवाले असूनही कोर्टात लग्न केले आणि आम्ही मध्यमवर्गीय…’, नवविवाहित अभिनेत्री जोरदार ट्रोल
