न्यायालयाने फेटाळला आर्यनचा जामीन; शाहरुखचा मुलगा राहणार तुरुंगातच

बॉलिवूड अभिनेता शाहरुख खानचा मुलगा आर्यन खान हा (शनिवारी) २ ऑक्टोबर रोजी अं’मली पदार्थांच्या प्रकरणात सापडल्याने तुरुंगात आहे. या प्रकरणी अनेकवेळा कोर्टात सुनावणी झाली आहे. याआधी देखील त्याचा जामीन फेटाळला गेला आहे. याआधी बुधवारी (१३ ऑक्टोबर) रोजी कोर्टात सुनावणी होती. तेव्हा कोर्टाने त्याला बुधवारी (२० ऑक्टोबर) ही पुढील तारीख दिली होती. आजच्या दिवशी दुपारी कोर्टात सुनावणी चालू असताना त्याचा जामीन पुन्हा एकदा नाकारला आहे.

न्यायालयाच्या १३ ऑक्टोबरच्या जामीन अर्जावर सुनावणी होईपर्यंत आर्यन खानचा खटला सेलिब्रिटी वकील सतीश मानेशिंदे हाताळत होते. परंतु याप्रकरणी जामीन मिळवून देण्यात त्यांच्या हाती अपयश आल्यानंतर शाहरुख खानने हा खटला वकील अमित देसाई यांच्या हाती सोपवला. ११ ऑक्टोबरच्या सुनावणीदरम्यान वकील सतीश मानेशिंदे यांच्याबरोबर अमीत देसाई देखील आर्यनच्या जामीनाखातर न्यायालयात हजर होते. परंतु आता अमित देसाई देखील आर्यनला जामीन मिळवून देण्यास अपयशी ठरले आहेत. त्यामुळे आता किती दिवस त्याला तुरुंगात राहावे लागणार आहे, याची कोणालाही कल्पना नाहीये.