अभिनेता विक्की कौशल नुकताच प्रदर्शित झालेल्या ‘सरदार उधम’ चित्रपटाच्या यशाचा आनंद साजरा करत आहे. या सिनेमाला प्रेक्षकांचा दमदार प्रतिसाद मिळत आहे. या प्रतिसादामुळे विक्की आणि सिनेमाची टीम खूपच आनंदी आहे. विक्की सोशल मीडियावर खूपच सक्रिय असतो. आतापर्यंत त्याने या सिनेमाशी संबंधित अनेक फोटो, अनेक आठवणी, किस्से फॅन्ससोबत शेअर केले आहेत. नुकताच विकीने त्याच्या इंस्टाग्राम अकाऊंटवरून एक फोटो शेअर केला आहे, तो फोटो पाहून फॅन्सच्या किंवा कोणाच्याही अंगावर शहारा आल्याशिवाय राहणार नाही. विक्की कौशलने शेअर केलेला हा फोटो उधमसिंग चित्रपटाच्या शूटिंग दरम्यानचा आहे.
विक्कीने आपल्या इंस्टाग्राम अकाऊंटवर ‘सरदार उधम’ चित्रपटातील त्याच्या पात्राचा एक हृदयद्रावक लूक शेअर केला आहे. ज्यामध्ये त्याच्या पाठीवर जखमांच्या अनेक खुणा दिसत आहेत. जखमेच्या या खुणा खूपच धक्कादायक आणि भीतीदायक दिसत आहेत. फोटो शेअर करताना विक्कीने कॅप्शनमध्ये लिहिले की, “कट्स देट डिड नॉट मेक दा कट. #SardarUdham @pgorshenin.” जे पाहून चाहते त्याच्या फोटोखाली अनेक कमेंट्स करत आहेत. विक्कीचे चाहते हे जाणून घेण्यासाठी अस्वस्थ आहेत की, हे असली आहेत की नकली? दरम्यान, एका युजरने कमेंट करताना कॅटरिना कैफचीही आठवण काढली.
जालियनवाला बाग हत्याकांडाचे दृश्य चित्रपटात साकारण्यात आले तेव्हाच हा फोटो आहे. विक्की कौशलने माध्यमांना दिलेल्या मुलाखतीत सांगितले होते की, जालियनवाला बाग सीन शूट करणे त्याच्यासाठी सर्वात वेदनादायक होते. कधीकधी तो या शूटिंग दरम्यान तो झोपू शकत नव्हता. विक्की या चित्रपटाबद्दल खूप भावूक आहे आणि चाहतेही या चित्रपटाला चांगला प्रतिसाद देत आहेत.
विक्की कौशल सोशल मीडियावर चित्रपटाशी संबंधित माहीत नसलेले फॅक्ट्स आणि न पाहिलेले फोटो शेअर करत चित्रपटाचे प्रमोशन करत आहे. विक्कीआधी सुजित सरकारला ज्येष्ठ अभिनेते इरफान खान यांना या चित्रपटात कास्ट करायचे होते. पण इरफान खानच्या मृत्यूनंतर विक्की कौशलची यासाठी निवड झाली आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
–अमृता राव आणि आरजे अनमोल पहिल्यांदाच शेअर करणार त्यांची ‘विवाह’पर्यंत पोहचलेली अनोखी प्रेमकहाणी
–वामिकाच्या फोटोवर कमेंट करणाऱ्या रणवीरला नेटकऱ्यांनी विचारले, आई-बाबा कधी होणार?
