’लेडीज व्हर्सेस जेंटलमेन’ या शोच्या सीझन 2 मध्ये जिनिलिया देशमुख (Genelia Deshmukh) हिने खुलासा केला होता की, रितेश देशमुख (Riteish Deshmukh) सोबत तिचे लग्न झाले होते, तेव्हा ती रोज सकाळी सर्वात आधी तयार होत होती. मात्र, तिला या कामाचा लवकरच कंटाळा आला आणि एक महिन्यानंतर ती म्हणाली, “मी हे करू शकत नाही.” अभिनेत्रीने सांगितले की, तिला रोज सकाळी नटण्या-मुरडण्याचा कंटाळा येत होता.
जिनिलियाला दररोज नटण्याचा व्हायचा त्रास
जिनेलिया (Genelia) म्हणते, “जेव्हा माझे लग्न झाले तेव्हा मला वाटले की, ते परफेक्ट आहे. मी रोज सकाळी तयार होत असे. मला रोज असे तयार का व्हावे लागते, यामुळे चिडचिड व्हायची.” रितेश म्हणतो की, तो बॉक्सर आणि टी-शर्ट घालून जेवणाच्या टेबलावर बसायचा, तर जिनिलिया सलवार कमीज आणि दागिन्यांमध्ये असायची. (actress genelia dsouza broke down after 1 month of marriage)
जिनिलिया पुढे म्हणते, “मला वाटले होते की, अशी काही पूजा-वजा असेल जी मला माहित नाही.” अभिनेत्री एक महिना रोज हे सर्व करत राहिली आणि शेवटी एके दिवशी ती तुटली. अभिनेत्रीने रितेशला सांगितले, “मी हे आता करू शकत नाही.” रितेशला धक्का बसला आणि तो विचारात पडला.
चित्रपटाच्या सेटवर झाली होती भेट
जिनिलियाने स्पष्ट केले की, ती दररोज असे कपडे घालू शकत नाही. रितेश म्हणाला, “मी स्वत: विचार करत होतो की, तू असे कपडे का घालतेस रोज!” रितेश आणि जिनिलिया त्यांच्या पहिल्या चित्रपट ‘तुझे मेरी कसम’च्या शूटिंग दरम्यान भेटले होते.
अलिकडेच रितेशच्या वाढदिवशी जिनिलियाने इंस्टाग्रामवर एक क्यूट नोट शेअर केली. तिने लिहिले, “माझ्या प्रिय मित्रा, माझा विश्वास आहे की, या पृथ्वीवर प्रत्येक माणसाला त्याच्यावर प्रेम करणारी एक खास व्यक्ती मिळते. मी माझ्यासाठी खूप आनंदी आहे की, तू कायमचा माझा आहेस.” अनेक वर्षे एकमेकांना डेट केल्यानंतर या जोडप्याने ३ फेब्रुवारी 2012 रोजी लग्न केले. हे जोडपे 15 वर्षांहून अधिक काळ एकत्र आहेत. त्यांना राहिल आणि रियान ही दोन मुले आहेत.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
‘या गोष्टी खूप विचित्र आहेत’, विवेक ओबेरॉयबद्दलच्या ‘त्या’ प्रश्नावर सलमानने दिले होते उत्तर
वडिलांच्या निधनानंतर नाईलाज म्हणून वहिदा रहेमान यांनी निवडले होते अभिनय क्षेत्र, आज अभिनेत्री नसत्या तर…
