Kiara Adwani In Don 3 | पहिल्या ॲक्शन चित्रपटासाठी कियारा अडवाणी उत्सुक; म्हणाली, ‘खूप तयारी करावी लागणार आहे’

Kiara Adwani In Don 3 | अभिनेत्री कियारा अडवाणी (Kiara Adwani) सध्या तिच्या व्यावसायिक आयुष्यामुळे चर्चेत आहे. फरहान अख्तर दिग्दर्शित ‘डॉन 3’ या चित्रपटात कियारा मुख्य भूमिकेत दिसणार आहे. या चित्रपटात ती रणवीर सिंगसोबत स्क्रीन शेअर करणार आहे. त्याचवेळी कियाराने अलीकडेच तिच्या ॲक्शन चित्रपट डॉन 3 बद्दल मोकळेपणाने बोलले. यासोबतच तिने सांगितले की, हा तिचा पहिला ॲक्शन चित्रपट असेल.

कियाराने ‘डॉन 3’मध्ये काम करण्याबाबत उत्सुकता व्यक्त केली. ती म्हणाली की, “माझ्या मते हा माझ्या करिअरसाठी चांगला निर्णय आहे. मी बराच काळ त्याच शैलीत काम करत होते. मात्र, आता मी काही वेगळ्या व्यक्तिरेखा करण्याचा विचार करत होt.ए आता मला ती संधी मिळाली आहे. मी या चित्रपटात काम करण्यास उत्सुक आहे. मला ‘डॉन 3’साठी खूप तयारी करावी लागणार आहे. मात्र, मी कोणत्याही ॲक्शन चित्रपटात काम केलेले नाही. मी पहिल्यांदाच ॲक्शन चित्रपटात काम करणार आहे.”

अभिनेत्रीने पुढे सांगितले की, लग्नानंतर तिने तिच्या करिअरमधील दोन सर्वात मोठे चित्रपट साइन केले आहेत. कियारा हृतिक रोशन आणि ज्युनियर एनटीआरसोबत ‘वॉर 2’ मध्ये दिसणार असल्याच्या बातम्या येत असताना, ती रणवीर सिंगसोबत ‘डॉन 3’मध्ये मुख्य भूमिकेत दिसणार आहे. कियारा म्हणाली, ‘मी म्हणू शकते की लग्नानंतर मी माझे दोन मोठे चित्रपट साइन केले आहेत. लग्नानंतरही माझी कारकीर्द चांगलीच प्रगती करत आहे, हे खूप काही सांगून जाते. अर्थात आज बॉलिवूडच्या प्रसिद्ध अभिनेत्रींचे लग्न झाले आहे. महिलांसाठी हा सकारात्मक बदल आहे.

माध्यमातील वृत्तानुसार, ‘डॉन 3’चे शूटिंग यावर्षी ऑगस्ट महिन्यात सुरू होऊ शकते. सध्या चित्रपटाची टीम प्री-प्रॉडक्शनची पूर्ण तयारी करत आहे. दुसऱ्या रिपोर्टनुसार, ‘डॉन 3’ ची टीम सध्या चित्रपटाची कास्टिंग करत आहे आणि पुढील महिन्यात त्याचे प्री-प्रॉडक्शन सुरू होणार आहे. ‘डॉन 3’मध्ये रणवीर सिंग आणि कियारा मुख्य भूमिकेत दिसणार आहेत. त्याचवेळी, सूत्रांच्या माहितीनुसार, इमरान हाश्मी या चित्रपटात खलनायकाच्या भूमिकेत दिसणार आहे. परंतु अजूनही याबाबत कोणतीही अधिकृत माहिती समोर आलेली नाही.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

Bhumi Pednekar | ‘खूप कमी चित्रपटांमध्ये महिलांना समाजात बदल घडवण्याची संधी मिळते’, भूमी पेडणेकरने केला मोठा खुलासा
Naseeruddin Shah: …अन् चाहत्यांवर भडकले नसीरुद्दीन शाह; व्हिडीओ व्हायरल