पुढील ८ दिवसांनी म्हणजेच २२ जुलै, २०२२ रोजी प्रेक्षकांच्या भेटीला ‘शमशेरा‘ हा सिनेमा येत आहे. या सिनेमात बॉलिवूडचा ‘चॉकलेट बॉय’ रणबीर कपूर आणि वाणी कपूर मुख्य भूमिकेत आहेत. हे दोन्ही कलाकार त्यांच्या या सिनेमाचे जोरदार प्रमोशन करत आहेत. हे दोघेही लवकरच ‘डान्स दीवाने ज्युनिअर‘ या डान्स रियॅलिटी शोमध्ये सिनेमाचे प्रमोशन करताना दिसणार आहेत. विशेष म्हणजे, रणबीर आणि वाणी या शोच्या ग्रँड फिनालेच्या दिवशी हजेरी लावणार आहेत.
‘डान्स दीवाने ज्युनिअर’ (Dance Deewane Juniors) या शोचे परीक्षण नीतू कपूर (Nora Fatehi), कोरिओग्राफर मर्जी पेस्तोनजी (Marzi Pestonji) आणि नोरा फतेही (Nora Fatehi) करत आहेत. अशात नीतू यांनी त्यांचा मुलगा आणि अभिनेता रणबीर कपूर (Ranbir Kapoor) हा शोच्या ग्रँड फिनाले एपिसोडचा भाग बनणार असल्याचा आनंद व्यक्त केला. त्यांनी त्यांच्या इंस्टाग्राम स्टोरीवर रणबीरच्या शोमध्ये सामील होण्याची माहिती दिली. यासोबतच त्यांनी अनेक फोटो आणि व्हिडिओही शेअर केले. यांना कॅप्शन देत त्यांनी लिहिले की, “‘डान्स दीवाने ज्युनिअर’ ग्रँड फिनालेसाठी कोण आहे?”
रणबीरने लावले आई नीतूसोबत ठुमके
यादरम्यान रणबीर आई नीतूसोबत पोझ देताना दिसला. तसेच, त्याने इंडो-वेस्टर्न काळ्या रंगाच्या प्रिंटेड आऊटफिट परिधान केले. यामध्ये तो एकदम सुपरकूल दिसत होता. दुसरीकडे वाणी कपूर (Vaani Kapoor) हिने ती चमचमत्या गुलाबी ऑफ-शोल्डर बॉडीकॉन ड्रेसमध्ये खूपच सुंदर दिसली. निळ्या साडीत नीतूदेखील खूपच सुंदर दिसल्या. त्यांच्यावर निळ्या रंगाची साडी खूपच खुलून दिसत होती.
नीतू यांनी एक व्हिडिओदेखील शेअर केला, ज्यामध्ये त्या रणबीरसोबत ‘जी हुजूर’ गाण्यावर डान्स करताना दिसत आहेत. सेटवर या दोघांव्यतिरिक्त वाणी कपूर आणि मर्जीदेखील दिसले. या व्हिडिओनंतर नीतू कपूर यांनी रणबीर, वाणी आणि मर्जी यांच्यासोबतची एक ग्रूप सेल्फीदेखील शेअर केली. हा फोटो शेअर करत त्यांनी सुंदर कॅप्शन दिले. त्यांनी त्यांच्या कॅप्शनमध्ये “शमशेरा घरात,” असे लिहिले.
View this post on Instagram
View this post on Instagram
‘डान्स दीवाने ज्युनिअर’ संपण्याच्या मार्गावर
‘डान्स दीवाने ज्युनिअर’ हा शो अंतिम टप्प्यात आहे. याचा अंतिम एपिसोड १६ आणि १७ जुलै रोजी पाहायला मिळणार आहे. शोबाबत चाहत्यांमध्ये तुफान क्रेझ आहे.
रणबीरचे सिनेमे
रणबीरच्या आगामी सिनेमांबाबत बोलायचं झालं, तर तो अयान मुखर्जी यांच्या ‘ब्रह्मास्त्र’ सिनेमात झळकणार आहे. या सिनेमात त्याच्यासोबत आलिया भट्ट, अमिताभ बच्चन, मौनी रॉय आणि नागार्जुन अक्किनेनी हेदेखील दिसणार आहेत.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
‘नवरा गेल्यावर हिला तर पंख फुटलेत’, नीतू कपूरने ट्रोलर्सला दिले खणखणीत शब्दात उत्तर
‘गुड लक जेरी’साठी जान्हवी कपूरने शिकल्या होत्या बिहारी शिव्या
एकेकाळी मिस इंडिया असलेल्या मधू सप्रेने मिलिंद सोमणसोबतच्या न्यूड फोटोंनी उडवली खळबळ
