‘बिग बॉस मराठी’ फेम अभिनेत्री रुपाली भोसले ही तिच्या सौंदर्याने आणि अभिनयाने नेहमीच चाहत्यांना तिच्याकडे आकर्षित करत आली आहे. अभिनयासोबतच ती तिच्या डान्सने देखील फॅन्समध्ये प्रसिद्ध आहे. रुपाली ही सोशल मीडियावर मोठ्या प्रमाणात सक्रिय असते. ‘बिग बॉस मराठी २’ नंतर तर तिची लोकप्रियता आणखीनच वाढलेली दिसते. त्यामुळे ती तिच्या चाहत्यांना खुश करण्याची एकही संधी सोडत नाही. ती तिचे फोटो सोशल मीडियावर सतत शेअर करत असते. आता देखील तिचा एक फोटो सोशल मीडियावर व्हायरल होत आहे.
रुपालीने अधिकृत इंस्टाग्राम अकाऊंटवरून तिचे काही मोहक फोटो शेअर केले आहेत. या फोटोमध्ये आपण पाहू शकतो की, तिने अत्यंत सुंदर असा गुलाबी रंगाचा ड्रेस घातला असून, त्यावर तिने चंदेरी रंगाची मोठी ओढणी घेतली आहे. सोबतच तिने तिचे सगळे केस मोकळे सोडले, कानात सुंदर असे ईअरिंग घातले आणि कपाळी एक छोटीसी टिकली लावली आहे. या फोटोमध्ये ती अत्यंत सुंदर, लक्षवेधी आणि सोज्वळ दिसत आहे. ती ओढणीसोबत वेगवेगळ्या पोझ देताना दिसत आहे.
तिच्या चाहत्यांना देखील तिचा हा लूक खूप आवडला आहे. अनेकजण तिच्या या फोटोवर कमेंट करत आहेत. तिच्या एका चाहत्याने “प्रीटी वूमन” अशी कमेंट केली आहे. यासोबत एका चाहत्याने कमेंट केली आहे की, “मला तुमच्याशी लग्न करायचे आहे.” अशाप्रकारे तिच्या या फोटोवर लाईक्स आणि कमेंट्सचा वर्षाव चालू आहे.
रुपाली भोसलेने अनेक मराठी तसेच हिंदी मालिकांमध्ये आणि चित्रपटात काम केले आहे. तिने ‘बडी दूर से आये है’, ‘दोन किनारे दोघी आपण’, ‘चांदी’, ‘मुक्ती’, ‘जुबान संभाल के’, ‘आजोबा वयात आले’ यांसारख्या मालिकांमध्ये काम केले आहे. पण बिग बॉसने तिला खूप ओळख निर्माण करून दिली. सध्या ती स्टार प्रवाहवरील ‘आई कुठे काय करते’ या मालिकेत काम करत आहे. या मालिकेतील तिचे ‘संजना’ नावाचे पात्र चांगलेच गाजत आहे. या मालिकेत ती नकारात्मक भूमिकेत आहे तरी देखील तिची फॅन फॉलोविंग जबरदस्त आहे. या मालिकेत सध्या अनेक वळणं पाहायला मिळत आहेत.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
–‘माझ्यासोबत एका दिग्दर्शकाने सेटवरच केली होती शिवीगाळ’, ईशा गुप्ताचा खुलासा
–अमिताभ बच्चन यांचा ‘हा’ फोटो पाहिल्यावर तुम्ही देखील नक्कीच म्हणाल, ‘वय हा फक्त आकडा आहे’
–‘कोणाचीही मुलगी, बहीण किंवा आई असूदे, मी तिच्याशीच लग्न करणार’, वाचा परेश रावल यांची लव्हस्टोरी
