सध्या साऊथचे चित्रपट हिंदी भाषिक प्रेक्षकांना खूप आवडत आहेत आणि ते बॉलिवूड चित्रपटांना टक्कर देत आहेत. साऊथचे अनेक हिंदी रिमेक देखील बॉलिवूडमध्ये हिट ठरले आहेत. त्यामुळे अनेक बॉलिवूड निर्माते साऊथच्या हिट चित्रपटांचे हिंदी रिमेक बनवत आहे. अगदी बॉलिवूडमध्ये साऊथच्या चित्रपटांचे हिंदी रिमेक बनवण्याचा ट्रेंड बनला आहे. आता साऊथच्या हिंदी रिमेकच्या यादीत आणखी एका नव्या चित्रपटाचे नाव जोडले गेले आहे. मल्याळम सुपरहिट चित्रपट ‘द ग्रेट इंडियन किचन’चा देखील हिंदी रिमेक बनणार असल्याची माहिती समोर आली आहे. माध्यमांतील वृत्तानुसार, या चित्रपटाच्या हिंदी रिमेकमध्ये बॉलिवूड अभिनेत्री सान्या मल्होत्रा (Sanya Malhotra) मुख्य भूमिकेत असू शकते.
चित्रपटातील कलाकारांचा शोध झाला आहे सुरू
माध्यमांतील वृत्तानुसार, मल्याळम चित्रपट ‘द ग्रेट इंडियन किचन’चा हिंदी रिमेक बनवण्याचे हक्क विक्की बाहरी आणि हरमन बावेजा (Harman Baveja) यांनी विकत घेतले आहेत. आता या चित्रपटाच्या कलाकारांची शोधाशोधही सुरू झाली आहे. माध्यमांतील वृत्तानुसार, अनेक कलाकारांशी याबद्दल बोलणेही झाले आहे.
निमिषा सजयनच्या भूमिकेत दिसणार आहे सान्या मल्होत्रा
माध्यमांतील वृत्तानुसार, चित्रपट निर्मात्यांनी अभिनेत्री सान्याला मुख्य भूमिकेत कास्ट करण्याचा निर्णय घेतला आहे. जर सान्या मल्होत्रा ’द ग्रेट इंडियन किचन’ चित्रपटाच्या हिंदी रिमेकमध्ये काम करत असेल, तर ती अभिनेत्री निमिषा सजयनची भूमिका साकारताना दिसणार आहे. मात्र, याबाबत अद्याप अधिकृत दुजोरा देण्यात आलेला नाही.
याच वर्षी शूटिंग होऊ शकते सुरू
सूत्रांनी दिलेल्या माहितीनुसार, ‘द ग्रेट इंडियन किचन’च्या हिंदी रिमेकच्या स्क्रिप्टवर सध्या काम सुरू आहे. माध्यमांतील वृत्तानुसार, या चित्रपटाचे शूटिंग देखील या वर्षी २०२२ च्या मध्यात सुरू होईल. ‘द ग्रेट इंडियन किचन’ या चित्रपटात एका मुलीच्या लग्नानंतरच्या आयुष्याची कथा दाखवण्यात आली आहे.
हेही वाचा :
- ‘या’ गायकाला उर्फी जावेद करत आहेत डेट, सोशल मीडिया पोस्ट होतायेत जोरदार व्हायरल
- बप्पी लहरी यांच्या अंत्यसंस्कारवेळी मुलगी रीमाची रडून रडून झाली वाईट अवस्था, मुलगाही झाला भावुक
- दुःखद! मल्याळम अभिनेता कोट्टायम प्रदीप यांचे हृदय विकाराच्या झटक्याने मृत्यू, सोशल मीडियावर अर्पण होतीये श्रद्धांजली
हेही पाहा-
