ऐश्वर्या राय बच्चन (Aishwarya Rai Bachchan) ही बॉलिवूडची सर्वात लोकप्रिय आणि प्रसिद्ध अभिनेत्री आहे. सौंदर्य आणि अभिनय या दोन्ही बाबतीत ऐश्वर्या आजच्या सर्व अभिनेत्रींना टक्कर देते. ऐश्वर्याचा जन्म 1 नोव्हेंबर 1973 रोजी कर्नाटकात झाला. हिंदी चित्रपटांव्यतिरिक्त ऐश्वर्याने तमिळ चित्रपटांमध्येही काम केले आहे. आज ऐश्वर्याच्या वाढदिवसानिमित्त जाणून घेऊया तिच्याशी संबंधित काही रंजक गोष्टी.
ऐश्वर्या अफाट संपत्तीची मालक आहे. ऐश्वर्या राय चित्रपटांमध्ये कमी सक्रिय असू शकते. असे असूनही ती दरवर्षी करोडो रुपये कमावते. ऐश्वर्या राय संपत्तीच्या बाबतीत अनेक दिग्गज स्टार्सला मागे टाकते. ऐश्वर्या ही बॉलिवूडमधील सर्वाधिक मानधन घेणारी अभिनेत्री आहे. इतकंच नाही तर ऐश्वर्याची संपत्ती पती अभिषेक बच्चनपेक्षा कितीतरी पटीने जास्त आहे.
मीडिया रिपोर्ट्सनुसार, ऐश्वर्या रायची एकूण संपत्ती 800 कोटी रुपये आहे. ही संपत्ती तिचे पती अभिषेक बच्चन यांच्या 280 कोटी रुपयांपेक्षा जास्त आहे. ऐश्वर्या एका चित्रपटासाठी १० कोटी रुपये घेते.
ढाई अक्षर प्रेम या चित्रपटाच्या सेटवर अभिषेक आणि ऐश्वर्याची पहिली भेट झाली होती. यानंतर दोघांनी काही ना कहो या चित्रपटात एकत्र काम केले. त्या काळात दोघेही चांगले मित्र होते. मीडिया रिपोर्ट्सनुसार, बंटी और बबली या चित्रपटातील कजरारे-कजरारे गाण्याच्या शूटिंगदरम्यान दोघेही एकमेकांना पसंत करू लागले. धूम २ चित्रपटादरम्यान त्यांचे प्रेम फुलले.
त्यानंतर न्यूयॉर्कमध्ये गुरु या चित्रपटाच्या प्रीमियरनंतर अभिषेक बच्चनने ऐश्वर्याला प्रपोज केले. हॉटेलच्या बाल्कनीत गुडघ्यावर बसून अभिषेकने ऐश्वर्याला फिल्मी स्टाईलमध्ये प्रपोज केले होते. त्यादरम्यान ऐश्वर्याने लगेचच अभिषेकचा प्रस्ताव स्वीकारला. गंमत म्हणजे त्यावेळी अभिषेकने बनावट अंगठी घालून ऐश्वर्याला प्रपोज केले होते.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
राणी मुखर्जीने दिवाळीत घेतले माँ कालीचे दर्शन; मुलांना वाटली मिठाई
या सेलिब्रिटीजच्या घरी यावर्षी आली लक्ष्मी; मुलीच्या जन्माने उजळून गेले कुटुंब…
