Ajit Kumar Hospitalized | दाक्षिणात्य सुपरस्टार अजित कुमार सध्या मागिझ थिरुमेनी दिग्दर्शित त्याच्या आगामी ‘विदामुयार्ची’ चित्रपटासाठी शेड्यूल ब्रेकवर आहे. अभिनेता यापूर्वी अझरबैजानमध्ये शूटिंग करत होता. तो नुकताच भारतात परतला असून आपल्या कुटुंबासोबत काही वेळ घालवत आहे. आता तो लवकरच या चित्रपटाचे शूटिंग करण्याचा विचार करत असल्याच्या बातम्या येत आहेत. मात्र त्यापूर्वीच त्याला रुग्णालयात दाखल करण्यात आले आहे. ही बातमी ऐकून अभिनेत्याचे चाहते चांगलेच अस्वस्थ झाले, परंतु, एक दिलासा देणारी बातमी आहे की अभिनेता आता ठीक असून त्याला फक्त त्याच्या तपासणीसाठी रुग्णालयात दाखल करण्यात आले आहे.
अभिनेता पूर्णपणे निरोगी असल्याची बातमी हाती आलीआहे. परदेशातून भारतात आल्यानंतर अभिनेत्याने अलीकडेच त्याचा मुलगा आडविकचा नववा वाढदिवस साजरा केला, जिथे तो तरुण फुटबॉलच्या आकाराचा केक कापताना दिसला. आता असे सांगण्यात आले आहे की अजित कुमार यांना संपूर्ण शरीर तपासणीसाठी चेन्नईतील एका खाजगी रुग्णालयात दाखल करण्यात आले आहे.
आरोग्य तपासणी पूर्ण करण्यासाठी अभिनेता एक दिवस रुग्णालयात राहणार आहे. याशिवाय, अशी बातमी आहे की अभिनेत्याचा शूटिंगमधून ब्रेक जवळजवळ पूर्ण झाला आहे आणि अभिनेता लवकरच त्याच्या ‘विदामुयार्ची’ चित्रपटाच्या शूटिंगला सुरुवात करणार आहे. रुग्णालयातून डिस्चार्ज मिळाल्यानंतर अभिनेता ‘विदमुयार्ची’च्या दुसऱ्या शेड्यूलचे शूटिंग करणार आहे.
चित्रपटाबद्दल बोलायचे झाले तर, ‘विदामुयार्ची’चे काही शूटिंग तुर्कीमध्येही पूर्ण झाले आहे. वृत्तानुसार, चित्रपटाचे दुसरे शेड्यूल १५ मार्चपासून सुरू होणार आहे. मात्र, याबाबत अद्याप अधिकृत दुजोरा मिळालेला नाही. अजित व्यतिरिक्त या चित्रपटात त्रिशा कृष्णन, अर्जुन सर्जा, रेजिना कॅसांड्रा, आरव आणि इतर अनेक कलाकार महत्त्वाच्या भूमिकेत आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
Animal On OTT | OTT वर ‘ऍनिमलने’ मोडले रेकॉर्डस्, 11.7 दशलक्ष व्ह्यूजसह डंकी-सालारला टाकले मागे
डान्समुळे ट्रोल करणाऱ्यांना दीपिका सिंगने दिले सडेतोड उत्तर; म्हणाली, ‘मला काहीही फरक पडत नाही..’
