अक्षय कुमारचा (akshay kumar) मोस्ट अवेटेड ‘पृथ्वीराज‘ (pruthviraj) या चित्रपटाचा ट्रेलर काल आला. या ट्रेलरवर सोशल मीडिया यूजर्स आपल्या प्रतिक्रिया देत आहेत. काही लोकांना चित्रपटाचा ट्रेलर आवडला आहे, तर काही लोकांनी अक्षय कुमारला त्याच्या अॅक्शन सीन्स आणि एक्सप्रेशनसाठी ट्रोल करण्यास सुरुवात केली आहे. खरंतर, चित्रपटाचा ट्रेलर आल्यानंतर आता अक्षय कुमार त्याच्या जोरदार प्रमोशनमध्ये व्यस्त आहे. दरम्यान, अभिनेत्याचा एक व्हिडिओ समोर आला आहे. ज्यामध्ये तो पृथ्वीराज चौहानवर बोलताना दिसत आहे. हा व्हिडिओ फिल्मफेअरच्या अधिकृत इन्स्टा अकाउंटवरून शेअर करण्यात आला आहे. चित्रपटाच्या ट्रेलर लॉन्चचा हा व्हिडिओ आहे.
या व्हिडिओमध्ये अक्षय कुमार म्हणतो की, जेव्हा त्याने पृथ्वीराजबद्दल वाचले तेव्हा तो किती महान योद्धा होता हे त्याला जाणवले, पण इतिहासाच्या पुस्तकात त्याच्याबद्दल एकच परिच्छेद आहे. त्याचवेळी अक्षय कुमार म्हणतो की, “मोठ्यांपासून लहान मुलांपर्यंत सर्वांनी हा चित्रपट पाहावा. हा एक शैक्षणिक चित्रपट आहे.” अक्षय कुमारच्या या व्हिडिओवर चाहत्यांनी उत्स्फूर्त प्रतिक्रिया दिल्या आहेत. व्हिडिओवर कमेंट करताना एका यूजरने लिहिले की, “पिक्चर प्रमोशन का चक्कर है बाबू भैया”, तर दुसऱ्याने लिहिले, “चित्रपट आया तो याद आया एक परिच्छेद है.”
विशेष म्हणजे या चित्रपटात अक्षय कुमार, संजय दत्त, (sanjay dutt) सोनू सूद (sonu sood) आणि मानुषी छिल्लर (manushi chhillar) यांच्या प्रमुख भूमिका आहेत. चित्रपटाचे दिग्दर्शक चंद्रप्रकाश द्विवेदी आहेत. या चित्रपटात अक्षय कुमार पृथ्वीराज चौहानच्या भूमिकेत दिसणार आहे, तर सोनू सूद चंदरवरदाईच्या भूमिकेत आहे. मानुषी छिल्लरचा हा डेब्यू चित्रपट असून ती संयोगिताच्या भूमिकेत दिसणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
- सलमान खानसारखा दिसणारा आणि इंटरनेट सेन्सेशन आझम अन्सारीला अटक, सार्वजनिक ठिकाणी करत होता ‘हे’ काम
- संजीव कुमार यांना करायचे होते हेमा मालिनीशी लग्न, अभिनेत्रीने नकार दिल्यावर घेतला होता मोठा निर्णय
- कंडोमची जाहिरात करून वादात अडकलेल्या पूजा बेदीचा असा आहे प्रवास, काम करूनही मिळाले नाही स्टारडम
