अभिनेत्री अंकिता लोखंडे (Ankita Lokhande) यशाच्या शिखरावर आहेत. आजकाल ‘स्वातंत्र्य वीर सावरकर’ या चित्रपटातील तिच्या भूमिकेसाठी तिचे खूप कौतुक होत आहे. अशातच तिच्या एका वेब शोचीही घोषणा करण्यात आली आहे. अंकिता संदीप सिंगच्या वेब शोमध्ये दिसणार आहे. यामध्ये ती आम्रपालीची भूमिका साकारणार आहे. आता अलीकडेच संदीप सिंगने खुलासा केला आहे की अंकिताने ‘गोलियों की रासलीला राम लीला’मधील दीपिका पदुकोणच्या भूमिकेसाठी ऑडिशन दिले होते.
संजय लीला भन्साळी यांच्या ‘गोलियों की रासलीला…राम लीला’मध्ये दीपिका पदुकोणने साकारलेल्या लीलाच्या भूमिकेसाठी अंकिताच्या ऑडिशनबद्दल चित्रपट निर्माते संदीप सिंग यांनी एक मनोरंजक किस्सा उघड केला आहे. संदीपने रणवीर सिंगसोबत अंकिताच्या ऑडिशनच्या अनुभवाविषयी एक किस्सा शेअर केला आणि त्याने ऑडिशनच्या वेळी भन्साळी प्रॉडक्शनचे सीईओ म्हणून काम केल्याचे उघड केले.
एका मुलाखतीत संदीप सिंह म्हणाले, “असे नाही की ती रामलीलाचे ऑडिशन पास झाली नाही. तिने चांगले काम केले होते मात्र, ‘ब्लॅक’, ‘सावरिया’ आणि ‘गुजारिश’ दिल्यानंतर श्री भन्साळींना स्टार हवा होता. त्यावेळी चित्रपटाचे बजेट खूप जास्त होते. मला वाटते अंकिताने ऑडिशनमध्येच चांगली कामगिरी केली होती.”
अंकितानेही अशा प्रोजेक्टसाठी ऑडिशन देण्याची संधी दिल्याबद्दल कृतज्ञता व्यक्त केली. ती म्हणाली, “मी खूप भाग्यवान समजते की मी अशा चित्रपटांसाठी किमान ऑडिशन देऊ शकले. मला आशा आहे की, मी एक दिवस संजय लीला भन्साळींसोबत काम करेन.”
अभिनेत्रीने सांगितले की, संजय लीला भन्साळींनी तिला ‘बाजीराव मस्तानी’ करण्याची ऑफर दिली होती. अभिनेत्री म्हणाली, “मला आठवतंय, संजय सरांनी मला फोन करून सांगितलं होतं, ‘हा चित्रपट कर नाहीतर तुला पश्चाताप करावा लागले.”
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
‘हे लोक दगडफेक करतात आणि आम्ही गप्प राहण्याचा प्रयत्न करतो’, ट्रोल्सवर पुन्हा एकदा संतापला संदीप रेड्डी वांग
संजय लीला भन्साळींच्या ‘हिरामंडी’चा ट्रेलर रिलीज, प्रेम आणि युद्धाची कहाणी नव्याने उलगडणार
