सुपरस्टार रणबीर कपूर आणि रश्मिका मंदान्ना सध्या त्यांच्या ‘अॅनिमल’ चित्रपटामुळे चर्चेत आहेत. या चित्रपटाचा टीझर यापूर्वीच प्रदर्शित झाला आहे. या चित्रपटात रणबीर आणि रश्मिका पहिल्यांदाच स्क्रिन शेअर करताना दिसणार आहेत. निर्माते बुधवारी ‘अॅनिमल’ चित्रपटाचे पहिले गाणे रिलीज करणार आहेत. निर्मात्यांनी या गाण्याचे पोस्टर रिलीज केले आहे.
‘अॅनिमल’चे पहिले गाणे 11 ऑक्टोबरला रिलीज होणार आहे. या गाण्याचे शीर्षक ‘हुआ मैं’ असे आहे. सध्या निर्मात्यांनी गाण्याशी संबंधित जास्त माहिती शेअर केलेली नाही. गाण्याच्या पोस्टरमध्ये रणबीर कपूर आणि रश्मिका मंदान्ना प्रेम व्यक्त करताना दिसत आहेत. पोस्टरमध्ये रणबीर आणि रश्मिका एकमेकांना किस करताना दिसत आहेत. प्रेक्षक आतापासूनच चित्रपटातील गाण्याची आतुरतेने वाट पाहत आहेत. अशा परिस्थितीत पहिल्या गाण्याचे पोस्टर रिलीज झाल्यानंतर प्रेक्षकांची उत्सुकता खूप वाढली आहे.
गाण्याचे पोस्टर उघड करताना रश्मिका मंदान्नाने लिहिले की, ‘हुआ मैं उद्या रिलीज होणार आहे. हे गाणे आग लावेल. प्रत्येक भाषेतील हे गाणे मला व्यक्तिशः खूप आवडले आहे. या चित्रपटात अभिनेत्री गीतांजलीची भूमिका साकारत आहे, ती रणबीर कपूरच्या पात्राची निष्पाप दिसणारी पत्नी आहे. नुकताच ‘Animal’ चा टीझर रिलीज झाला, जो प्रेक्षकांना खूप आवडला होता.
संदीप रेड्डी वंगा यांनी ‘अॅनिमल’ चित्रपटाचे लेखन, दिग्दर्शन आणि संपादन केले आहे. कलाकारांचा विचार केला तर रणबीर कपूर व्यतिरिक्त रश्मिका मंदान्ना देखील या चित्रपटात मुख्य भूमिकेत आहे. तृप्ती डिमरीसोबत या चित्रपटात दिग्गज अभिनेते अनिल कपूर आणि बॉबी देओलही दिसणार आहेत. हा चित्रपट 1 डिसेंबर 2023 रोजी थिएटरमध्ये प्रदर्शित होणार आहे. याआधी हा चित्रपट 11 ऑगस्टला रिलीज होणार होता, मात्र पोस्ट-प्रॉडक्शनच्या कामात उशीर झाल्यामुळे चित्रपटाची तारीख पुढे ढकलण्यात आली होती.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
नाद केला पण वाया नाय गेला, शाहरुख खानच्या ‘जवान’ चित्रपटाने गाठला १००० कोटींचा टप्पा
पान मसाल्याच्या जाहिरातीमुळे ट्रोल झाल्याने भडकला अक्षय कुमार, पोस्ट करून दिले सडेतोड उत्तर
