अभिनेता बॉबी देओल ‘ॲनिमल’ चित्रपटात नकारात्मक भूमिका करून प्रसिद्ध झाला. त्याची अबरार हक ही व्यक्तिरेखा प्रेक्षकांना खूप आवडली होती आणि त्याच्या एंट्री गाण्यावर एक व्हिडिओ तयार करण्यात आला होता, परंतु तुम्हाला माहिती आहे का की बॉबी देओलने ही भूमिका साकारण्यासाठी दीड वर्ष वाट पाहिली होती. या चित्रपटात काम करतानाचा अनुभव खुद्द बॉबीने एका मुलाखतीत शेअर केला आहे.
ॲनिमलचे दिग्दर्शन करणारे संदीप रेड्डी वंगा यांनी बॉबी देओलला सांगितले की त्याचे पात्र नि:शब्द असेल, तेव्हा बॉबी सुरुवातीला घाबरला होता कारण त्याला वाटले की त्याचा आवाज त्याची ताकद आहे. तथापि, नंतर त्याने आपल्या कम्फर्ट झोनच्या बाहेर काहीतरी करण्याचा निर्णय घेतला आणि चित्रपटासाठी होकार दिला.
बॉबीने एका मुलाखतीत सांगितले की, मी माझ्या भागाच्या शूटिंगसाठी दीड वर्ष वाट पाहिली होती. हा एक लांबलचक चित्रपट आहे, ज्याच्या चित्रीकरणासाठी खूप वेळ लागत होता. अशा परिस्थितीत बॉबीच्या मनात प्रश्न निर्माण होत होते की संदीप आपला विचार बदलेल का आणि एके दिवशी अचानक म्हणेल की त्याला आता त्याची गरज नाही?
बॉबीने रणबीर कपूरसोबत १२ दिवस शूटिंग केले. रणबीर कपूरचे कौतुक करताना तो म्हणाला की, मोठा स्टार असूनही तो खूपच डाउन-टू-अर्थ आहे. अबरारच्या भूमिकेसाठी त्याने कशी तयारी केली होती हेही बॉबीने सांगितले. त्यासाठी त्याने सांकेतिक भाषा शिकली होती.
येत्या काही दिवसांत बॉबी देओलही काही चित्रपटांमध्ये नकारात्मक भूमिका साकारताना दिसणार आहे. तो लवकरच सूर्या स्टारर ‘कांगुवा’ या चित्रपटात दिसणार आहे. याशिवाय तो ‘हरी हर वीरा मल्लू’, ‘देवरा’ आणि नंदामुरी बालकृष्णाच्या १०९ व्या चित्रपटातही अभिनय करताना दिसणार आहे. त्याचे चाहते या चित्रपटांची आतुरतेने वाट पाहत आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
