अभिनेता अर्जुन रामपालचे (Arjun Rampal) एक्स अकाउंट (पूर्वीचे ट्विटर) हॅक झाले आहे. एका इंस्टाग्राम पोस्टद्वारे त्याने चाहत्यांना ही माहिती दिली आहे. कोणत्याही ट्विट किंवा मेसेजवर प्रतिक्रिया देऊ नका, असा इशाराही त्यांनी चाहत्यांना दिला आहे.
अभिनेत्याने त्याच्या अधिकृत इंस्टाग्राम अकाउंटवरून ही पोस्ट शेअर केली आहे. यामध्ये त्याने चाहत्यांना अलर्ट करत लिहिले आहे की, “ही चांगली बातमी नाही. माझे X खाते हॅक झाले आहे. कोणत्याही संदेश किंवा ट्विटला उत्तर देऊ नका.” पोस्टवर, अभिनेत्याचे चाहते त्याला सावधगिरी बाळगण्याचा सल्ला देत आहेत.
बॉलिवूड सेलिब्रिटीही सोशल मीडियावर खूप सक्रिय असतात. फेसबुक, इंस्टाग्राम ते X पर्यंत जवळपास प्रत्येक प्लॅटफॉर्मवर स्टार्सचे अकाउंट आहेत. सेलेब्सच्या अकाउंटवर हॅकर्सची नजर असते. अर्जुन रामपालच्या आधीही अनेक स्टार्सचे सोशल मीडिया हँडल हॅक झाले आहेत. अमिताभ बच्चन यांचे एक्स अकाउंटही हॅक झाले आहे. त्यांच्याशिवाय दीपिका पदुकोण, करण जोहर आणि नोरा फतेही यांचे अकाउंट हॅक करण्यात आले होते.
सध्या अर्जुन रामपालने त्याच्या चाहत्यांना सतर्क केले आहे जेणेकरून अभिनेत्याच्या नावावर कोणीही हॅकर्सला बळी पडू नये. चाहत्यांसह, अभिनेत्याची जोडीदार गॅब्रिएला डेमेट्रिड्सने देखील आश्चर्यचकित इमोजी पोस्ट करून त्याच्या पोस्टवर प्रतिक्रिया दिली. वर्क फ्रंटबद्दल बोलायचे झाले तर अर्जुन रामपाल नुकताच ‘क्रॅक – जीतेगा तो जीगा’ या चित्रपटात दिसला होता. हा चित्रपट यावर्षी फेब्रुवारीमध्ये प्रदर्शित झाला होता, ज्यामध्ये अर्जुन विद्युत जामवालसोबत दिसला होता.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
त्यामुळे माझा पूर्ण दिवस खराब जातो ! सोशल मिडीयावरच्या ट्रोलिंग विषयी बोलली मलाईका अरोरा…
शोभिता धुलिपाला नागा चैतन्यसोबत कोर्ट मॅरेज करणार का? नागार्जुनने सांगितले सत्य
