संपूर्ण जगासोबत भारतातही पुन्हा एकदा कोरोना व्हायरसच्या रुग्णांमध्ये झपाट्याने वाढ होताना दिसत आहे. भारतातील प्रत्येक राज्यात कोरोनाचे रुग्ण दिवसेंदिवस वाढत आहेत. यानंतर, गेल्या दोन वर्षांनंतर या वर्षी कोरोनाची तिसरी लाट पुन्हा नव्या रूपात येत असल्याचे बोलले जात आहे. अशा परिस्थितीत नागरिकांमध्ये भीतीचे वातावरण आहे. यानंतर बॉलिवूड अभिनेता सोनू सूदने लोकांना सुरक्षित राहण्याचा सल्ला देत मी तुमच्यासोबत असल्याचे म्हटले आहे.
लाेकप्रिय अभिनेता सोनू सूद (sonu sood) पूर्ण तयारीनिशी व्हायरसशी लढण्यासाठी सज्ज झाला आहे. नुकतेच त्यांनी आपल्या ट्विटर हँडलवर जाहीर केले की, ते आणि त्यांच्या सेवा गरजू लोकांसाठी उपलब्ध असतील. त्यांनी आपल्या ट्विटमध्ये लिहिले, “कोरोनापासून सावध राहा, घाबरू नका, देव कराे माझी गरज भासू नये, पण गरज भासली तर लक्षात ठेवा.. नंबर एकच आहे.”
कोरोना से सावधानी बरतें, डरे नहीं
ईश्वर करे मेरी ज़रूरत ना पड़े
लेकिन अगर लगे
तो याद रखना .. नंबर वही है ❤️????— sonu sood (@SonuSood) December 23, 2022
माध्यमांशी बाेलतना साेनूने सांगितले की, “गेल्या काही दिवसात आम्ही आमच्या स्वयंसेवकांच्या आणि आमच्यासोबत काम करणाऱ्या सर्व लोकांसोबत वेगवेगळ्या भागात आणि गावांमध्ये बैठका घेतल्या. गरज पडल्यास आम्ही त्यांना काहीही करण्यास तयार राहण्यास सांगितले. त्यामुळे आम्ही कोणत्याही गरजांसाठी तयार आहोत. मग ती औषधे असोत, ऑक्सिजन कॉन्सन्ट्रेटर असोत किंवा इतर काही आवश्यकता असाे, आपण जास्तीत जास्त लोकांना मदत केली पाहिजे. जो कोणी आमच्यापर्यंत पोहोचेल त्या काेणाचाही कॉल अनुत्तरित होणार नाही. याची काळजी आम्ही घेऊ, आमच्या बाजूने जे शक्य आहे ते देण्याचा आम्ही प्रयत्न करू.”
सण 2020 च्या लॉकडाऊन दरम्यान सोनू सूद मुंबई आणि भारतातील इतर शहरांमध्ये अडकलेल्या स्थलांतरितांसाठी आशेचा किरण बनला होता. त्यांच्या प्रयत्नांमुळे वाटेत अडकलेल्या लोकांना त्यांच्या गावी सुखरूप नेण्यात यश आले. 2021 मध्येही, सोनू आणि त्याच्या टीमने मुंबईतील गरजू लोकांना मदत करणे सुरूच ठेवले, अभिनेता अनेकदा त्याच्या आजुबाजुतील परिसरातील लोकांना भेटतो आणि त्यांना आर्थिक आणि वैद्यकीय मदत करतो.(bollywood actor sonu sood is ready to help the needy in case coronavirus disease makes a come back)
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
दोन मुलींमध्ये उभ्या असलेल्या ‘या’ अभिनेत्रीला ओळखलं का? धार्मिक शाेमध्ये केलंय काम
वाढदिवस विशेष..! सुरांचे बादशाह मोहम्मद रफी यांनी ‘या’ कारणामुळे सोडलं होतं गाणं, कारणही गंभीर
