बॉलिवूडमधील बऱ्याच अभिनेत्री सोशल मीडियावर मोठ्या प्रमाणात सक्रिय असतात. आपल्या हटके अदांनी भरलेले फोटो, व्हिडिओ ते चाहत्यांसाठी शेअर करत असतात. याबाबतीत प्रसिद्ध अभिनेत्री दिशा पटानीही मागे नाही. ती आपल्या चाहत्यांची मने जिंकण्यात नेहमीच आघाडीवर असते. ती आपले हॉट, बोल्ड आणि ग्लॅमरस असे फोटो सोशल मीडियावर शेअर करत असते. नुकतेच ती आपल्या मित्राच्या लग्नात सहभागी झाली होती. यादरम्यानचे फोटो आणि व्हिडिओ तिने शेअर केले असून ते जबरदस्त व्हायरल होत आहेत.
दिशा पटानीने आपले फोटो आणि व्हिडिओ इंस्टाग्रामवर शेअर केले आहेत. यामध्ये ती आपल्या नवरदेव मित्राच्या वरातीत एन्जॉय करताना आणि डान्स करताना दिसत आहे. यासोबतच एका इंस्टाग्रामवरील युजरनेही दिशाचा व्हिडिओ आपल्या अकाउंटवर पोस्ट केला आहे.
या व्हिडिओत दिशा आपल्या इतर मित्रांसोबतही वरातीत डान्स करताना दिसत आहे. व्हिडिओत दिशा पारंपारिक लूकमध्येही हटके दिसत आहे. चाहतेही तिच्या या लूकची प्रशंसा करत आहेत आणि ‘ब्यूटिफुल’ आणि ‘स्टनिंग’ अशा कमेंट्स मिळत आहेत.
दिशाने लग्नापूर्वीचेही काही फोटो शेअर केले आहेत. या फोटोमध्ये ती तयारी करताना दिसत आहे. सोबतच ती आरश्यासमोर उभी राहून पोज देत आहे.
या फोटोमध्ये तिने लेहंगा घातला आहे. मोकळ्या केसांमध्ये ती आणखीच खुलून दिसत आहे. सुंदर नेकलेस, बांगड्या आणि कानातले घातल्यामुळे तिचा लूक एकदम छान दिसत आहे.
दिशाने डोळ्यांच्या मेकअपसाठी ब्राऊन आणि गोल्डन शॅडो लावले आहे. यासोबतच तिने आपल्या डोळ्यांवर मस्काराही लावला. आपल्या ओठांवर तिने गुलाबी रंगाची लिपस्टिक लावली आहे.
दिशाने आतापर्यंत ‘बाघी २’, ‘एमएस धोनी: द अनटोल्ड स्टोरी’, ‘बाघी ३’ अशा हिट चित्रपटांमध्ये काम केले आहे. तिच्या आगामी चित्रपटांबद्दल बोलायचं झालं, तर ती लवकरच सुपरस्टार सलमान खानसोबत ‘राधे: योर मोस्ट वाँटेड भाई’ या चित्रपटात नायिकेच्या मुख्य भूमिकेत दिसणार आहे.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-सुपरहिट सिनेमे दिलेली बॉलीवूड अभिनेत्री तिसऱ्यांदा होणार आई, फोटो पोस्ट करत दाखवले बेबी बंप-तमिळ अभिनेत्रीच्या टॉपलेस फोटोशूटने कियारा आडवाणीलाही टाकले मागे; फोटो होतायत जोरदार व्हायरल
