हल्ली कोणतीही सिनेसृष्टी घ्या, त्यातील जवळपास सर्वच सिनेमात इंटिमेट सीन हे असतातच असतात आणि प्रेक्षक अशाच गोष्टींकडे आकर्षित होऊन तो सिनेमा पाहतातच. आता तर भर पडलीय ती म्हणजे ओटीटी प्लॅटफॉर्मवरील असंख्य वेबसीरिज आणि सिनेमांची. या ओटीटी प्लॅटफॉर्मला ना कोणता सेन्सॉर बोर्ड आहे, ना कुणी विचारणारं आहे. आता तुम्ही म्हणाल की, अशा कोणत्या वेबसीरिज आहेत. जर तुम्ही ओटीटी प्लॅटफॉर्मवरील कोणत्याही ऍपवर गेलात, तर तुम्हाला त्यावरील पोस्टर पाहूनच समजेल की, यात काही तरी नक्कीच आहे. पण हे झालं आत्ताचं. तुम्हाला जर असं सांगितलं की, बॉलिवूडमधील पहिला किसींग सीन हा १९३३ साली चित्रीत करण्यात आला होता. तर तुम्हाला खोटं वाटेल, पण हे खरंय.
कदाचित ९९ टक्के प्रेक्षकांना हा सीन माहितीही नसेल, पण या लेखातून अशाच काही किसींग सीन्सबद्दल सांगणार आहोत, जे तुम्ही कदाचित पाहिले नसतील, तसेच त्याबद्दल विचारही केला नसेल.
तर मंडळी पहिला किसींग सीन हा १९३३ साली रिलीझ झालेल्या ‘कर्मा’ सिनेमातील होता. यात भारतीय सिनेसृष्टीतील फर्स्ट लेडी म्हणून प्रसिद्ध असलेल्या देविका राणीचा हिमांशू राय यांच्यासोबतचा तब्बल ४ मिनिटांचा लिप-लॉक सीन होता. यातील गंमत म्हणजे, देविका आणि हिमांशू हे खऱ्या आयुष्यातील पती-पत्नी होते. मात्र, हा लव्ह मेकिंग सीन नव्हता, तर चित्रपटातील कलाकार बेशुुद्ध असतात आणि त्यांना शुद्धीवर आणण्यासाठी अभिनेत्री त्यांना किस करते. हा सीन पाहून प्रेक्षकांचे भान उडाले होते. पुढे हा सीन बॉलिवूडच्या इतिहासातील पहिला किसींग सीन म्हणून नोंदवला गेला.
‘बॉबी’ हा ऋषी कपूर आणि डिंपल कपाडिया या दोघांचा डेब्यू सिनेमा. या सिनेमची गणना होते ती, इंडस्ट्रीतील सर्वोत्कृष्ट सिनेमांमध्ये. खरं तर मंडळी सिनेमात ऋषी आणि डिंपल यांचा एक लिप-लॉक सीन होता, ज्यामुळे सिनेमा चांगलाच गाजला. त्यानंतर १९८५ मध्ये त्यांच्या ‘सागर’ या सिनेमातही ही जोडी पुन्हा झळकली. त्यावेळी त्यांच्या केमिस्ट्रीने पडद्यावर पुन्हा धुमाकूळ घातला. इतकंच नाही, तर त्यांनी एक बेधुंद करणारा किसींग सीनही दिला होता. या सीननंतर त्यांच्या कथित अफेअर्सच्या अफवाही पसरू लागल्या.
प्रसिद्ध बॉलिवूड अभिनेत्री झीनत अमान यांनी सत्तरचं दशक गाजवलं होतं. त्या लोकप्रिय आयकॉन होत्या. त्या आपल्या सौंदर्याने चाहत्यांना वेड लावत होत्या. ‘सत्यम शिवम सुंदरम’ चित्रपटातील शशी कपूर आणि झीनत यांचा किसींग सीन चांगलाच गाजला होता. ते वर्ष होतं १९७८. अजूनपर्यंत भारतीय प्रेक्षक किसींग सीनसारख्या बोल्ड गोष्टींसाठी तयार नव्हते. पण आजही हा सिनेमा इंडस्ट्रीतील सर्वोत्तम चित्रपटांपैकी एक म्हणून ओळखला जातो.
माधुरी दीक्षित म्हणजे बॉलिवूडची ‘धकधक गर्ल’. तिच्या अभिनयाने तसेच नृत्याने तिने बॉलिवूड गाजवलंच. पण तुम्हाला माहितीये का? माधुरी बॉलिवूडमध्ये नवीन होती आणि विनोद खन्ना हे खूप मोठे स्टार होते, तेव्हा या दोघांवर एक किसींग सीन शूट केला गेला होता. तो सिनेमा होता. ‘दयावान.’ त्यांच्या या सीनने सर्वांचच लक्ष वेधून घेतलं होतं. स्क्रिप्टमध्ये किसींग सीनची मागणी असल्यास ते करण्यास मी नेहमीच तयार असल्याचे माधुरीनं अनेकदा सांगितलंय.
हेही पाहा- बॉलिवूडमधील किसींग सीन, जे तुम्ही कधी पाहिलेही नसतील
२००० साली रिलीझ झालेल्या ‘हे राम’ सिनेमात कमल हासन आणि राणी मुखर्जीचा किसींग सीन होता. या सिनेमातील राणीच्या बोल्ड अवताराने सर्वांनाच हैराण केलं होतं. पण राणीनं एका मुलाखतीत सांगितलं होतं की, ‘हा खरा किसींग सीन नसून कॅमेऱ्याचा अँगल अशाप्रकारे घेतला गेला होता की, तो आमचा किसींग सीन असल्याचं भासत होतं.’
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
- रणबीर-कॅटरिनाचं लफडं पकडण्यासाठी दीपिकानं एका रात्रीत मुंबईवरून भोपाळ गाठलेलं
- राज कुमारांनी गोविंदाच्या शर्टचा केलेला रुमाल, वाचा त्यांचे कलाकारांची खिल्ली उडवणारे किस्से
- असे कलाकार ज्यांच्यावर बनू शकतो एखादा चित्रपट, पाहा कोण-कोण आहेत ‘ते’ दिग्गज
- राजकारणी ते मीमस्टार, जाणून घ्या अमिर लियाकत यांचा जीवनप्रवास
