Tuesday, March 5, 2024

विक्रम गोखले बनले होते विश्वसुंदरी ऐश्वर्याचे ‘वडील’, अभिनयाने गाजवली तब्बल 4 दशके

ज्येष्ठ अभिनेते विक्रम गोखले यांचे पुण्यातील रुग्णालयात निधन झाले. त्यांच्या निधनावर अनेकांनी शोकही व्यक्त केला आहे. विक्रम गोखले हे चित्रपटसृष्टीतील एक प्रसिद्ध नाव होते. त्याच्या चित्रपटांनी बॉक्स ऑफिसवर चांगला व्यवसाय केला. हिंदी व्यतिरिक्त त्यांनी मराठी चित्रपटांमध्येही महत्त्वाच्या भूमिका केल्या. ते अनेक दिवसांपासून आजारी असल्याने त्यांना पुण्यातील रुग्णालयात दाखल करण्यात आले होते. अनेक दिवस जीवन-मरणाची लढाई लढणाऱ्या विक्रम गोखले यांनी अखेर दि. 26 नाेव्हेंबरला या जगाचा निरोप घेतला. 

अभिनेते विक्रम गोखले (vikram gokhale) यांच्या कुटुंबाचे हिंदी चित्रपटसृष्टीशी दीर्घकाळ संबंध आहे. विक्रम गाेखले हे अभिनेते चंद्रकांत गोखले यांचे पुत्र होते. त्यांचे वडील चंद्रकांत गोखले यांनी मराठीसह हिंदी चित्रपटात काम केले. त्यांची पणजी दुर्गाबाई कामत या भारतीय चित्रपटांच्या पहिल्या अभिनेत्री असल्याचं म्हटलं जातं. याशिवाय त्यांची आजी कमलाबाई गोखले याही अभिनेत्री होत्या.

गेल्या अनेक वर्षांपासून अभिनेता पत्नीसह पुण्यात राहत होते. जिथे ते आपली अभिनय अकादमी चालवत असे. वडील आणि आजीप्रमाणेच, अभिनेत्याने देखील अनेक सुपरहिट चित्रपटांमध्ये काम केले आणि पडद्यावर स्वत: साठी एक अनाेखे स्थान निर्माण केले. विक्रम गोखले यांच्या लोकप्रिय चित्रपटांबद्दल बोलायचे झाले, तर त्यांनी संजय लीला भन्साळी यांच्या ‘हम दिल दे चुके सनम’, ‘भूल भुलैया’, ‘बँग बँग’, ‘स्वर्ग नरक’, ‘इन्साफ’, ‘दिल से’, ‘दे दना दान’, ‘हिचकी’, ‘निकम्मा’, ‘या चित्रपटांमध्ये काम केले आहे.

अजय देवगणने विक्रम गोखले यांच्यासोबत संजय लीला भन्साळी यांच्या ‘हम दिल दे चुके सनम’ या चित्रपटात काम केले होते. या चित्रपटात त्यांनी ऐश्वर्याच्या वडिलांची भूमिका साकारली आणि अजय देवगणचा सासरा झाले हाेते. (bollywood veteran actor vikram gokhale passes away actress aishwarya roy father was played on screen)


हेही वाचा-
‘माझ्या मुलाला चप्पलने मारते, आता तू…’,विकी जैनच्या आईने केली अंकिताची कानउघडणी
‘पिंगा’ गाण्यावर अभिनेत्री जान्हवी कपूरने लावले ठुमके, लूक पाहून चाहते झाले वेडे

हे देखील वाचा