बॉलिवूडची लोकप्रिय अभिनेत्री आलिया भट्ट(Alia Bhatt) आणि रणबीर कपूर(Ranbir Kapoor) सध्या त्यांच्या ब्रह्मास्त्र पार्ट वन शिवा या चित्रपटामुळे चर्चेत आहेत. पहिल्यांदाच पडद्यावर एकत्र दिसलेल्या रणबीर आणि आलियाच्या या चित्रपटाने बॉक्स ऑफिसवर धुमाकूळ घातला असून पाच दिवसांत 150 कोटींचा टप्पा पार केला आहे. त्याचवेळी रणबीर आणि आलिया देखील लवकरच त्यांच्या पहिल्या मुलाचे स्वागत करणार आहेत, ज्याबद्दल ते खूप उत्सुक आहेत. या सगळ्यामध्ये नीतू कपूर आणि सोनी राजदान यांनी आलियाच्या बेबी शॉवरची तयारी सुरू केली आहे.
माध्याच्या वृत्तानुसार, आलिया भट्टची आई सोनी राजदान आणि सासू नीतू कपूर आलियासाठी काही खास प्लानिंग करत आहेत. दोघांनीही आलियाच्या बेबी शॉवरची तयारी सुरू केली आहे, ज्यामध्ये फक्त मुलीच असतील. बेबी शॉवर फक्त मुंबईतच होणार आहे. मात्र, बेबी शॉवर समारंभ लग्नाप्रमाणे घरी होणार की अन्य ठिकाणी होणार हे निश्चित झालेले नाही.
वृत्तानुसार, आलिया भट्टच्या बेबी शॉवरमध्ये फार कमी लोक सहभागी होणार आहेत. यामध्ये फक्त आलियाचे बालपणीचे मित्र आणि कुटुंबीयांचा समावेश असेल. पाहुण्यांच्या यादीत आकांक्षा रंजन सिंग, शाहीन भट्ट, करीना कपूर, नव्या नंदा, श्वेता बच्चन, आरती शेट्टी आणि जवळच्या मित्रांचा समावेश आहे.
वर्क फ्रंटबद्दल बोलायचे झाले तर आलिया भट्ट ‘रॉकी और रानी की प्रेम कहानी’मध्ये रणवीर सिंगसोबत दिसणार आहे. त्याचबरोबर ती ‘हार्ट ऑफ स्टोन’मधून हॉलिवूडमध्ये पदार्पण करणार आहे. लव रंजनच्या चित्रपटात श्रद्धा कपूरसोबत रणबीर कपूर आणि रश्मिका मंदानासोबत ‘एनिमल’मध्ये दिसणार आहे. याशिवाय दोघांचा ‘ब्रह्मास्त्र पार्ट वन शिव’ हा चित्रपट थिएटरमध्ये चांगली कमाई करत आहे.
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही नक्की वाचा-
बाबो! एक, दोन नव्हे; तब्बल 27 वर्ष थिएटरमध्ये गाजले ‘हे’ चित्रपट
पैसे देवूनही चित्रपटात केले नाही काम, ‘या’ दिग्गज दिग्दर्शकाने सनी देओलवर लावला फसवणुकीचा आरोप
‘मणिके मागे हिथे’ गाण्याचे हिंदी वर्जन येणार, पहिली झलक पाहूनच व्हाल फिदा
