Friday, March 29, 2024

रणबीर कपूरला मिळाली होती ‘स्टार वॉर्स’मध्ये काम करण्याची संधी, पण ह्या एका भितीने केला घात

रणबीर कपूर(Ranbir Kapoor) आणि आलिया भट्ट(Alia Bhatt) स्टारर ‘ब्रह्मास्त्र पार्ट वन शिवा’ या चित्रपटाने बॉक्स ऑफिसवर रेकॉर्डब्रेक कमाई केली आहे. चित्रपटाने पाच दिवसांत 150 कोटींहून अधिक कमाई केली आहे आणि यावर्षी ओपनिंग डेच्या दिवशी हिंदी चित्रपटांमध्ये पहिल्या क्रमांकावर आहे. चित्रपटात रणबीर कपूरने शिवाची भूमिका साकारली आहे, जो सुपरहिरोपेक्षा कमी नाही. पण तुम्हाला माहित आहे का की रणबीर कपूरला ‘ब्रह्मास्त्र’च्या आधी सुपरहिरो बनण्याची ऑफर आली होती आणि तीही हॉलिवूड फिल्म ‘स्टार वॉर्स’मध्ये, पण अभिनेत्याने ती नाकारली होती.

वास्तविक, 2016 मध्ये रणबीर कपूरने मुलाखती दरम्यान सांगितले होते की, त्याला ‘स्टार वॉर्स’मध्ये सेकंड लीडसाठी रोल ऑफर करण्यात आला होता. पण त्यांनी ही भूमिका नाकारली. रणबीर कपूर म्हणाला होता की, ‘काही वर्षांपूर्वी मला स्टार वॉर्समध्ये सेकंड लीडसाठी रोल ऑफर करण्यात आला होता, पण माझ्या स्वतःच्या टॅलेंटवर विश्वास नसल्यामुळे आणि ऑडिशनच्या भीतीमुळे ती मी नाकारली.

यानंतर रणबीर म्हणाला, ‘मला या ऑफरमध्ये विशेष रस नव्हता. अयान मुखर्जीसोबत आम्ही आमची स्वतःची स्टार वॉर्स बनवू. जे आहे त्यामागे धावू नका. तो चांगला आहे, पण मला अयान मुखर्जी जेजे अब्राम्स किंवा जॉर्ज ल्यूक्सपेक्षा कमी वाटत नाही. मला त्याच्यासोबत काम करू द्या आणि आम्हाला आमची स्टार वॉर्स बनवू द्या.

9 सप्टेंबर रोजी रिलीज झालेल्या अयान मुखर्जी दिग्दर्शित ‘ब्रह्मास्त्र’ने पहिल्याच आठवड्यात 100 कोटींचा टप्पा ओलांडला होता. त्याचवेळी, आता पाच दिवसांनंतर या चित्रपटाने 150 कोटींहून अधिकचा व्यवसाय केला आहे. या चित्रपटात रणबीर कपूर, आलिया भट्ट, अमिताभ बच्चन, नागार्जुन आणि मौनी रॉय यांच्या प्रमुख भूमिका आहेत. चित्रपटात अमेझिंग व्हीएफएक्सचा वापर करण्यात आला आहे, जो प्रेक्षकांच्या पसंतीस उतरला आहे.


हेही नक्की वाचा-
राज ठाकरेंनी केलं वहिदा रेहमान यांचं कौतुक; म्हणाले, ‘स्वतःचं मुस्लिम नाव-आडनाव..’
रसिका सुनीलनं केलं बोल्ड फोटोशूट, हॉट लुकवर चाहते फिदा

हे देखील वाचा