मेगास्टार चिरंजीवी (Chiranjeevi) यांनी दिल्लीतील केंद्रीय मंत्री जी किशन रेड्डी यांच्या निवासस्थानी पंतप्रधान नरेंद्र मोदींसोबत पोंगल साजरा केला. बॅडमिंटनपटू पीव्ही सिंधू देखील या उत्सवाचा भाग बनली. पंतप्रधान मोदींनी जी किशन रेड्डी यांच्या निवासस्थानी पोंगल साजरे करण्याचे अनेक फोटो शेअर केले. फोटो शेअर करताना त्यांनी लिहिले की, ‘माझे कॅबिनेट सहकारी जी किशन रेड्डी गरू यांच्या निवासस्थानी संक्रांती आणि पोंगलच्या उत्सवाला उपस्थित राहिलो.’ तसेच एक सुंदर सांस्कृतिक कार्यक्रम पाहिला.
ते म्हणाले, ‘भारतभरातील लोक संक्रांती आणि पोंगल मोठ्या उत्साहाने साजरे करतात. हा कृतज्ञता, विपुलता आणि नवनिर्माणाचा उत्सव आहे, जो आपल्या संस्कृतीच्या कृषी परंपरेत खोलवर रुजलेला आहे. संक्रांती आणि पोंगलच्या माझ्या शुभेच्छा. सर्वांना आनंद, चांगले आरोग्य आणि समृद्ध कापणीच्या हंगामाच्या शुभेच्छा.
किशन रेड्डी यांच्या घरी पंतप्रधान मोदींचे ढोल-ताशांच्या गजरात स्वागत करण्यात आले. एएनआयने शेअर केलेल्या व्हिडिओमध्ये चिरंजीवी त्यांच्या मागे चालताना दिसत आहेत. दीपप्रज्वलनानंतर, गायिका सुनीता यांनी प्रेक्षकांसाठी सादरीकरण केले. पंतप्रधानांनी त्यांच्या सन्मानार्थ आयोजित केलेल्या सांस्कृतिक कार्यक्रमाचेही निरीक्षण केले.
चिरंजीवी देखील पंतप्रधान मोदींसोबत उभे असल्याचे दिसून आले. चिरंजीवीच्या आगामी चित्रपटाबद्दल बोलायचे झाले तर, तो पुढील चित्रपट विश्वंभरममध्ये दिसणार आहे. या चित्रपटाच्या माध्यमातून अभिनेत्री त्रिशा आणि चिरंजीवी १८ वर्षांनी पुन्हा एकत्र काम करत आहेत. मल्लिदी वशिष्ठ लिखित आणि दिग्दर्शित ‘विश्वम्भरा’ हा चित्रपट एका सामाजिक मुद्द्यावर आधारित असेल. या चित्रपटात त्रिशा आणि चिरंजीवी यांच्यासह सुरभी, रम्या पासुपुलेटी, ईशा चावला आणि अश्रिता वेमुगंती नंदुरी यांसारखे दिग्गज कलाकारही महत्त्वाच्या भूमिकेत आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
‘आमिर माझा चांगला मित्र आणि मार्गदर्शक आहे’, घटस्फोटानंतर किरण रावने केला मोठा खुलासा
जवान-पठाण नंतर, ‘इन्स्पेक्टर गालिब’ च्या भूमिकेत दिसणार शाहरुख खान? या दिगदर्शकासोबत करणार काम