लोकप्रिय लेखक-दिग्दर्शक दिग्पाल लांजेकर यांनी राष्ट्रवादी काँग्रेसच्या खासदार सुप्रिया सुळेंना त्यांच्या चित्रपट ‘सुभेदार’बाबत केलेल्या कौतुकाबद्दल आभार मानले आहेत. सुळे यांनी सोशल मीडियावर एक पोस्ट शेअर करून ‘सुभेदार’ चित्रपट पाहण्याचे आवाहन केले होते. या पोस्टमुळे चित्रपटाला आणखी एक प्रसिद्धी मिळाली आहे.
लांजेकर यांनी ट्विटरवर एक पोस्ट करत सुळेंना आभार मानले आहेत. त्यांनी लिहिले की, “सुप्रिया सुळे यांनी ‘सुभेदार’ (Subedar) चित्रपटाबद्दल केलेल्या कौतुकाबद्दल मी मनापासून आभारी आहे. सुप्रिया ताई…’फर्जंद’पासून मिळत असलेली तुमची शाब्बासकीची थाप अशीच कायम पाठीशी राहुदे…तुमचे आशीर्वाद खूप मोलाचे आहेत…असच पाठबळ आणि प्रेम आम्हा मावळ्यांबरोबर कायम असू दे… जय शिवराय..”
सुप्रिया सुळे यांनी पोस्ट करताना त्यांनी लिहिले की, “आपल्या बारामती लोकसभा मतदारसंघातील मराठी सिनेसृष्टीतील अभिनेते व राष्ट्रवादी काँग्रेसचे पदाधिकारी उत्कर्ष मनोज कुदळे यांनी आज भेट घेतली. त्यांनी नुकत्याच प्रदर्शित झालेल्या व दिग्पाल लांजेकर दिग्दर्शित ‘सुभेदार’ या नरवीर तानाजी मालुसरे यांच्यावर आधारित असलेल्या चित्रपटामध्ये मराठा सरदार मावळाची भूमिका साकारली आहे. यावेळी त्यांनी चित्रपटाच्या चित्रिकरणावेळीचे किस्से आणि प्रसंगांबद्दल सांगितले. आपणही जवळच्या चित्रपटगृहात जाऊन नरवीर तानाजी मालुसरे आणि मावळ्यांच्या बलिदानाची आठवण करुन देणारा ‘सुभेदार’ हा चित्रपट नक्की पहा. याप्रसंगी उत्कर्ष कुदळे यांना पुढील वाटचालीसाठी शुभेच्छा दिल्या.”
View this post on Instagram
‘सुभेदार’ हा ‘श्री शिवराज अष्टक’ या लांजेकरांच्या अनोख्या संकल्पनेतील पाचवा चित्रपट आहे. या चित्रपटात प्रभास राव, सोनाली कुलकर्णी, मोहन जोशी, क्षितिज दाते, श्रुती मराठे आणि इतर कलाकारांनी भूमिका साकारल्या आहेत. हा चित्रपट 12 ऑगस्ट रोजी प्रदर्शित झाला होता. या चित्रपटाला प्रेक्षकांकडून मिळालेला प्रतिसाद पाहून लांजेकर खूप आनंदी आहेत. त्यांनी चित्रपटाच्या यशाबद्दल प्रेक्षकांना आभार मानले आहेत. (Director Digpal Lanjekar thanked NCP MP Supriya Sule for her appreciation for his film Subhedar)
अधिक वाचा-
–‘बेबो’चा सुपरहॉट लूक चर्चेत; पाहा फोटो
–‘आत्मपॅम्फ्लेट’चा ट्रेलर प्रेक्षकांच्या भेटीला; सिनेमा कधी होणार रिलीज? एकदा पाहाच
