दिवाळीचा सण देशभरात मोठ्या थाटामाटात साजरा करण्यात आला. बॉलीवूडच्या अनेक सेलिब्रिटींनीही दिव्यांचा सण मोठ्या उत्साहात साजरा केला. आता हे स्टार्स त्यांच्या दिवाळी सेलिब्रेशनचे फोटोही सोशल मीडियावर शेअर करत आहेत. सध्या, विकी कौशलने त्याची पत्नी कतरिना कैफ आणि कुटुंबासोबतच्या दिवाळीच्या सेलिब्रेशनची झलक सोशल मीडियावर शेअर केली आहे.
विकी कौशलने त्याच्या दिवाळी सेलिब्रेशनचे अनेक फोटो इंस्टाग्रामवर शेअर केले आहेत. चित्रांमध्ये, बी टाऊनचे सर्वात लोकप्रिय जोडपे विकी आणि कतरिना त्यांच्या कुटुंबासह सण साजरा करताना दिसत आहेत. लक्ष्मीपूजनासाठी दोन्ही स्टार्सचे कुटुंबीय त्यांच्या घरी जमले होते. पहिल्या फोटोत विकी आणि कतरिना कैफ पारंपारिक पोशाखात दिसत आहेत. कतरिना कैफ फ्लॉवर प्रिंट साडीमध्ये खूपच सुंदर दिसत आहे, तर विकी देखील पांढऱ्या कुर्त्यामध्ये खूपच सुंदर दिसत आहे. फोटोमध्ये कतरिना पती विकीचा हात धरून कॅमेऱ्यासाठी हसताना दिसत आहे.
दुसऱ्या फोटोत कतरिनाची आई सुझैन आणि बहीण इसाबेल कैफ पिवळ्या रंगाचा सूट परिधान करून अतिशय सुंदर दिसत आहेत, फोटोमध्ये विकीचे आई-वडील आणि भाऊ सनीही दिसत आहेत विकी आणि कतरिना कुटुंबासोबत पोज देताना दिसत आहेत.
हे सुंदर फोटो शेअर करताना, कॅप्शनमध्ये लिहिले आहे की, “तुम्हाला आणि तुमच्या कुटुंबियांना दिवाळीच्या शुभेच्छा”
विकी कौशलच्या वर्कफ्रंटबद्दल सांगायचे तर, मसान, संजू, उरी: द सर्जिकल स्ट्राइक आणि सरदार उधम यांसारख्या चित्रपटांमध्ये त्याच्या दमदार अभिनयाने त्याने खूप लोकप्रियता मिळवली आहे. या वर्षी रिलीज झालेला विकीचा ‘जरा हटके जरा बचके’ ब्लॉकबस्ट ठरला आहे. विकी लवकरच ‘सॅम बहादूर’ आणि ‘डिंकी’मध्ये दिसणार आहे.
कतरिना कैफच्या वर्क फ्रंटबद्दल बोलायचे तर, सलमान खानसोबत अभिनेत्रीचा अॅक्शन चित्रपट ‘टायगर 3’ काल म्हणजेच दिवाळीच्या मुहूर्तावर चित्रपटगृहांमध्ये प्रदर्शित झाला आहे. या चित्रपटाने दमदार ओपनिंग केली होती आणि पहिल्या दिवशी 44 कोटींहून अधिक कमाई केली होती. कतरिना कैफ लवकरच विजय सेतुपतीसोबत ‘मेरी ख्रिसमस’ या चित्रपटात दिसणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
डेटिंगच्या अफवांमध्ये रश्मिका मंदान्ना विजय देवरकोंडाने केली एकत्र दिवाळी साजरी, कॅप्शनमुळे चर्चांना आला वेग
‘जलसा’मध्ये बिग बींनी केली पूजा, सोशल मीडियावर पोस्ट शेअर करून चाहत्यांना दिल्या दिवाळीच्या शुभेच्छा
