सन २०१५मध्ये सुपरस्टार अजय देवगण चाहत्यांसाठी एक थ्रिलर सिनेमा घेऊन आला होता. त्या सिनेमाचं नाव दृश्यम असं होतं. या सिनेमाने प्रेक्षकांची मने तर जिंकली होतीच, पण त्यासोबतच चित्रपट समीक्षकांनाही हा सिनेमा भावला होता. सात वर्षे उलटून गेली, तरीही या सिनेमातील गाणी आणि डायलॉग अजूनही चाहत्यांच्या आठवणीत आहेत. यातील ‘२ अक्टूबर’ हा डायलॉगही चाहत्यांच्या स्मरणात आहे. चाहते या सिनेमाच्या दुसऱ्या भागाची खूपच वाट पाहत आहेत. तसेच, ही प्रतीक्षाही आता जवळपास संपली आहे.
सुपरस्टार अजय देवगण (Ajay Devgn) याने सिनेमाच्या दुसऱ्या भागाची म्हणजेच ‘दृश्यम २’ (Drishyam 2) या सिनेमाच्या प्रदर्शनाची तारीख जाहीर केली आहे. अजयने त्याच्या अधिकृत ट्विटर अकाऊंटवरून ही तारीख सांगितली आहे. अजयने ट्वीट करत लिहिले की, “लक्ष द्या…’दृश्यम २’ १८ नोव्हेंबर, २०२२ रोजी चित्रपटगृहात प्रदर्शित होत आहे.”
Attention! ⚠️#Drishyam 2 releasing in theatres on 18th November 2022
#Tabu #AkshayeKhanna @shriya1109 #RajatKapoor @ishidutta #MrunalJadhav @AbhishekPathakk #BhushanKumar #KrishanKumar @KumarMangat @Viacom18Studios @TSeries @PanoramaMovies #Drishyam2 pic.twitter.com/Ak1fa4gabp
— Ajay Devgn (@ajaydevgn) June 21, 2022
दृश्यम या सिनेमाचे दिग्दर्शन राष्ट्रीय पुरस्कार विजेते निशिकांत कामत (Nishikant Kamat) यांनी केले होते. त्यांचे २०२०मध्ये निधन झाले. आता दृश्यम २ या सिनेमाचे दिग्दर्शन अभिषेक पाठक हे करत आहेत. यावेळी विजय आणि त्याच्या कुटुंबाची स्टोरी एका वेगळ्या दिशेने जाईल, ज्यामध्ये खूपच सस्पेन्स आणि थ्रिल असेल. मजेशीर बाब अशी की, दुसऱ्या पार्टमध्ये अजय देवगण, तब्बू, श्रिया सरन यांच्यासोबतच अक्षय खन्नादेखील मुख्य भूमिकेत असेल. इतकेच नाही, तर इशिता दत्ता, रजत कपूर हेदेखील पहिल्या भागानंतर दुसऱ्या भागातही दिसतील. गेल्या काही दिवसांपासून हैदराबादमध्ये या सिनेमाचे शूटिंग सुरू असून ते मंगळवारी (दि. २१ जून) पूर्ण होणार आहे. दृश्यम हा याच नावाच्या मल्याळम सिनेमाचा हिंदी रिमेक होता.
दुसऱ्या भागाची कहाणी खूपच रंजक
अजय देवगण याने ‘दृश्यम २’ या सिनेमाबाबत म्हटले की, “सिनेमाच्या पहिल्या भागाला भरभरून प्रेम मिळाले आणि तो एक चांगली होती. आता मी तुम्हाला ‘दृश्यम २’च्या माध्यमातून एक नवीन मजेदार गोष्ट दाखवणार आहे. विजय एक बहुआयामी पात्र आहे आणि तो त्याच्या अभिनयाने तुम्हाला खिळवून ठेवेल. अभिषेक पाठक (सिनेमाचे दिग्दर्शक) यांच्याकडे या सिनेमाची नवीन दृष्टी आहे.”
अजय पुढे बोलताना म्हणाला की, “मी दृश्यम २बाबत खूपच उत्सुक आहे. आशा आहे की, चाहते या सिनेमालाही तसेच प्रेम देतील, जसे पहिल्या भागाला दिला होता.”
अजय देवगणच्या ‘दृश्यम’ या सिनेमाने १००हून अधिक कोटी रुपयांची कमाई केली होती. अजयला आता या सिनेमाच्या दुसऱ्या भागाकडूनही अशाच कामगिरीची अपेक्षा आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
- दाक्षिणात्य सौंदर्यवतीचा थायलंडमध्ये हनीमून, नयनतारा आणि विघ्नेश यांचे रोमॅंटिक फोटो सोशल मीडियावर तुफान व्हायरल
- राडाच ना! सपना चौधरीच्या गाण्यात डान्ससोबतच भूतांचाही तडका, पुरती घाबरली ‘डान्सिंग क्वीन’
- घटस्फोटाच्या ८ महिन्यांनंतर समंथाने दिली चैतन्यच्या नव्या नात्यावर प्रतिक्रिया; म्हणाली, ‘हे खरं पाहिजे’
