हैदराबाद येथील पोलिसांनी प्रॉडक्शन हाऊसची ५६ लाख रुपयांची फसवणूक केल्याप्रकरणी चित्रपट निर्माते राम गोपाल वर्माविरुद्ध (Ram Gopal Varma) गुन्हा दाखल केला आहे. शेखरा आर्ट क्रिएशन्सचे कोप्पडा शेखर राजू यांनी दिलेल्या तक्रारीवरून, सायबराबाद पोलिस आयुक्तालयांतर्गत मियापूर पोलिस ठाण्यात हा गुन्हा दाखल करण्यात आला आहे.
‘दिशा’ चित्रपटाच्या निर्मितीसाठी राम गोपाल वर्माने त्याच्याकडून पैसे घेतले होते आणि तो चित्रपट प्रदर्शित होण्यापूर्वी परत करण्याचे आश्वासन दिले होते. परंतु ते परत केले नाहीत, असा आरोप तक्रारकर्त्याने केला आहे. हा चित्रपट २०१९ मध्ये हैदराबादजवळ एका पशुवैद्यकावर झालेल्या सामूहिक बलात्कार आणि हत्येवर आधारित होता, जो चार पुरुषांनी केला होता. तसेच त्यांना नंतर पोलिसांनी एका कथित चकमकीत मारले होते. (fraud case registered against ram gopal varma complainant made this allegation)
तक्रारदाराने पोलिसांना सांगितले की, काही वर्षांपूर्वी या एका कॉमन फ्रेंडच्या माध्यमातून राम गोपाल वर्मा यांच्याशी ओळख झाली होती. त्यानंतर त्याने दिग्दर्शकाला जानेवारी २०२० मध्ये, ८ लाख रुपये आणि काही दिवसांनी २० लाख रुपये दिले. राम गोपाल वर्मा यांनी सहा महिन्यांत रक्कम परत करण्याचे आश्वासन दिले होते. तक्रारदाराने पुढे म्हटले आहे की, राम गोपाल वर्माने फेब्रुवारी २०२० मध्ये त्याच्याशी संपर्क साधला आणि आर्थिक अडचणीचे कारण देत २८ लाख रुपये उसने घेतले होते.
तक्रारदाराने पोलिसांना सांगितले की, राम गोपाल वर्माने चित्रपट प्रदर्शित होण्यापूर्वी एकूण रक्कम देण्याचे आश्वासन दिले होते. परंतु जानेवारी २०२१ मध्ये त्याला नंतर कळले की, चित्रपट निर्माता चित्रपटाचा निर्माता नव्हताच. चित्रपट निर्मात्याने आपली फसवणूक केल्याचा आरोप तक्रारदाराने केला आहे. भारतीय दंड संहिता (IPC) च्या कलम ४०६ (गुन्हेगारी भंग), ४१७ (फसवणूकीची शिक्षा), ४२० (फसवणूक) आणि ५०६ (गुन्हेगारी धमकीसाठी शिक्षा) अंतर्गत राम गोपाल वर्मा यांच्याविरुद्ध गुन्हा दाखल करण्यात आला आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा
