स्त्री जन्म म्हणजे खरंच खूप मोठी जबाबदारी आणि खूप मोठी गोष्ट आहे. लग्न म्हणजे तर तिचे संपूर्ण आयुष्यच बदलून टाकणारा सोहळा आणि त्यातही जेव्हा आई तुम्ही होतात तेव्हा तुमच्या जबाबदाऱ्या अनेक पटीने वाढतात. आपल्याकडे एक म्हण आहे, ‘गर्भार्पण म्हणजे बाईचा दुसरा जन्मच असतो.’ अगदी योग्य म्हण आहे. जेव्हा एखादी स्त्री आई होते तेव्हा तिच्यासाठी तो क्षण तिच्या जीवापेक्षाही मोठा असतो. मात्र कधीकधी काही स्त्रियांना या त्यांच्या जीवनातील अत्युच्च क्षणापासून अनेकदा मुकावे देखील लागते. अनेकदा काही स्त्रिया प्रेग्नेंट तर राहतात, मात्र मधेच त्यांचे गर्भपात देखील होते. हा काळ त्या स्त्रियांसाठी अतिशय कठीण आणि कसोटीचा असतो. हे दुःख फक्त सामान्य महिलांनाच मिळते असे नाही. यात अनेक सेलिब्रिटी महिलांचा देखील समावेश आहे. नुकतेच अभिनेत्री गीता बसराने देखील तिचे हे दुःख जगासमोर व्यक्त केले आहे.
अभिनेत्री गीता बसेरा आणि क्रिकेटर हरभजन सिंग यांना १० जुलैला मुलगा झाला. त्याचे नाव त्यांनी जोवान ठेवले आहे. जोवान आधी त्यांना हीनाया नावाची एक मुलगी देखील आहे. तिचा जन्म २०१६ साली झाला. मात्र नुकतेच गीताने तिच्या आयुष्यातील प्रेग्नन्सी संदर्भातल्या दोन दुःखद घटना उघड केल्या आहेत. एका मोठ्या वृत्तपत्राशी संवाद सांगताना तिने हा खुलासा केला आहे. (Geeta Basra Revealed her Two Miscarriages)
या मुलाखतीमध्ये तिने सांगितले २०१९ साली तिचे पहिले गर्भपात झाले, तर लगेच पुढच्याच वर्षी २०२० साली दुसऱ्यांदा तिचे गर्भपात झाले. असे दोन गर्भपाताचे दुःख तिने सहन केले आहे. या दोन्ही गर्भपातावेळी ती तीन महिन्यांची प्रेग्नेंट होती. या दोन्ही गर्भपातावेळी हरभजन पावलोपावली तिच्यासोबत होता. यावेळी ती म्हणाली, “मान्य आहे की तीन महिन्यातच म्हणजे खूप सुरुवातीला असे झाले. पण तरीही एक आई तिच्या बाळाशी खूप जास्त प्रमाणात जोडली जाते. गर्भपात कितव्याही महिन्यात झाले तरी आईसाठी हे दुःख वेगळेच असते.”
ज्या महिलांनी हे दुःख सहन केले आहे, अशा महिलांना विश्वास देताना गीता म्हणाली, ” अशा स्त्रियांनी बिलकुल हार मानू नका. हो नक्कीच हे खरे आहे की गर्भपात तुमच्यावर मोठा आणि वाईट परिणाम सोडून जाते. पण आपण एक स्त्री आहोत याचा विचार करून हे सर्व विसरण्याचा प्रयत्न करावा आणि पुढे जावे.”
पुढे गीता म्हणाली, “मागचे दोन वर्ष माझ्यासाठी खूपच जास्त अवघड होते. मात्र मी स्वतःला तुटू दिले नाही. गर्भपात नंतर महिलांच्या शरीरात हार्मोन्स मोठ्या प्रमाणावर बदलतात, त्यामुळे स्वतःला सावरणे खूपच आवश्यक आहे. मी देखील स्वतःला खूप मजबूत केले. मला लग्नाआधीपासूनच दोन मुलं पाहिजे होते. जर सर्व नीट असते तर मला मुलगा हिनाया तीन वर्षाची असतानाच झाला असता. जेव्हा मी चौथ्यांदा प्रेग्नेंट राहिली तेव्हा मी योग देखील केला.” गीता तिच्या दुसऱ्या गर्भपातानंतर तिच्या सासरी पंजाबमध्ये गेली. तिथे सर्वानीच तिची खूप काळजी घेतली. गीतासाठी जोवान तिचे ‘रेनबो बेबी’ आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-लाजुन लाल झाला शाहिद कपूर, जेव्हा मीराने शेअर केले बेडरूम सिक्रेट; म्हणाली, ‘मला वाटतं तो कंट्रोल…’
