Hanuman Movie | साऊथचा सुपरहिरो चित्रपट ‘हनुमान‘ सातत्याने लोकांची मने जिंकत आहे. आकर्षक कथा, व्हिज्युअल इफेक्ट्स, पौराणिक कथा आणि आधुनिक विज्ञान यांचा उत्तम मेळ घातल्यामुळे या चित्रपटाचे सर्वत्र कौतुक होत आहे. देशासह विदेशातही या चित्रपटाचे कौतुक होत आहे.
प्रशांत वर्मा दिग्दर्शित ‘हनुमान’ने अनेक मोठ्या तेलुगू चित्रपटांचे आंतरराष्ट्रीय रेकॉर्ड यशस्वीपणे मोडले आहेत. एका रिपोर्टनुसार, ‘हनुमान’ने एक विलक्षण कामगिरी केली आहे. चित्रपटाने रिलीज झाल्यापासून अवघ्या चार दिवसांत एकट्या उत्तर अमेरिकेत $525,000 ची कमाई केली आहे.
यासह, त्याने राजामौलीच्या (Rajamauli) ‘RRR’ आणि बाहुबली आणि अल्लू अर्जुनचा आला वैकुंठापुरमुलू सारख्या प्रशंसित चित्रपटांच्या बॉक्स ऑफिस कलेक्शनला मागे टाकले आहे. ‘हनुमान’मध्ये अभिनेता तेजा सज्जा मुख्य भूमिकेत आहे. या चित्रपटात विनय राय, अमृता अय्यर, वरलक्ष्मी सरथकुमार, समुथिराकनी आणि गेटअप श्रीनू यांसारखे दिग्गज कलाकार आहेत.
सर्वांच्या 100 टक्के योगदानाने हा चित्रपट उच्च दर्जाचा पूर्ण झाला आहे. हा चित्रपट अंजनाद्री गावात राहणाऱ्या एका तरुणाभोवती फिरतो, जो भगवान हनुमानाची क्षमता आत्मसात करतो आणि अंजनाद्रीसाठी लढतो. या चित्रपटाला प्रेक्षकांचा सकारात्मक प्रतिसाद मिळत आहे. त्यामुळेच हा चित्रपट बॉक्स ऑफिसवर सातत्याने चांगली कमाई करत आहे.
‘हनुमान’ ने परदेशात उत्कृष्ट कामगिरी केली आहे आणि युनायटेड स्टेट्समध्ये प्रचंड यश मिळवले आहे, रिलीजच्या अवघ्या चार दिवसांत तीस लाख डॉलरचा टप्पा ओलांडला आहे. चित्रपटाला मिळालेल्या प्रतिसादामुळे उत्तर अमेरिकेत स्क्रीन्सची संख्या वाढवण्यात आली आहे. अशा परिस्थितीत हा चित्रपट आगामी काळात आणखी अनेक विक्रम करू शकतो.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
Shahrukh Khan | परदेशातही किंग खानचाच डंका, ‘जवान’ आणि ‘पठाण’ चित्रपटाला मिळाले आंतरराष्ट्रीय पुरस्कारासाठी नामांकन
Ram Mandir | रामभक्तीत लीन झालेल्या जर्मन गायिकेने प्राणप्रतिष्ठेपूर्वी गायले ‘राम आयेंगे’ भजन, व्हिडिओ होतोय व्हायरल
