अभिनेत्री आणि समाजवादी पक्षाच्या खासदार जया बच्चन (Jaya Bachchan) यांनी सोमवारी संसदेत पती अमिताभ बच्चन यांचे नाव जोडण्यावर पुन्हा आक्षेप घेतला आहे. राज्यसभेचे सभापती जगदीप धनखर यांनी त्यांची समजूत काढण्याचा प्रयत्न केला तरी जया यांनी नाराजी व्यक्त करणे सुरूच ठेवले.
सोमवारी राज्यसभेत प्रश्नोत्तराच्या सत्रादरम्यान सभापती धनखर यांनी ज्या यांची ओळख करून दिली, ‘पूरक क्रमांक ४, श्रीमती जया अमिताभ बच्चन…’ यानंतर जया बच्चन आपल्या जागेवरून उठल्या आणि स्वतः सभापतींना विचारले – “सर तुम्हाला अमिताभचा अर्थ माहित आहे का?” यावर अध्यक्ष धनखर म्हणाले, “माननीय सदस्या, निवडणूक प्रमाणपत्रात दिसणारे नाव बदलण्याची प्रक्रिया आहे आणि ती येथे जमा देखील केली जाते.” या प्रक्रियेचा फायदा मी स्वतः १९८९ मध्ये घेतला आहे. आम्ही प्रत्येक सदस्याला बदलाची प्रक्रिया समजावून सांगितली आहे.
जया बच्चन म्हणाल्या, “नाही सर, मला माझ्या नावाचा आणि माझ्या पतीचा खूप अभिमान आहे. माझ्या पतीच्या कामगिरीचा मला खूप अभिमान आहे. त्यांच्या नावाचा अर्थ आभा आहे. असा आभा जो मिटू शकत नाही. मी याबाबत खूप आनंदी आहे.” यानंतर अध्यक्ष जगदीप धनखर यांनी जया बच्चन यांना सीटवर बसण्यास सांगितले. यावर जया बच्चन म्हणाल्या- काळजी करू नका. हे एक नवं नाटक सुरू झालं आहे.
यानंतर अध्यक्ष म्हणाले, “माननीय सदस्या, मी एकदा फ्रान्सला गेलो होतो. तिथल्या एका हॉटेलच्या व्यवस्थापनाने मला सांगितले की इथे प्रत्येक ग्लोबल आयकॉनचे फोटो आहेत. मी पायऱ्या चढून वर गेलो आणि पाहिलं की तिथे अमिताभ बच्चन यांचा फोटोही होता. हे २००४ पासून आहे. मॅम, संपूर्ण देशाला अमिताभ बच्चन यांचा अभिमान आहे.
यानंतर जया बच्चन पुन्हा आपल्या जागेवरून उठल्या आणि मनोहर लाल खट्टर यांच्याकडे बोट दाखवत म्हणाल्या, त्यांच्या नावासमोर त्यांच्या पत्नीचे नावही टाका. सर, माझा या गोष्टीला विरोध नाही, पण हे चुकीचं आहे.
याआधी शुक्रवारी जया बच्चन यांनी सभागृहात स्वत:ला ‘जया अमिताभ बच्चन’ म्हटले होते. यावर राज्यसभेचे सभापती जगदीप धनखर यांची प्रतिक्रिया कौतुकास्पद असून ते मोठ्याने हसले. मात्र, याआधीही राज्यसभेचे उपसभापती हरिवंश यांनी अमिताभ बच्चन यांचे नाव जोडून जया यांचे नाव घेतल्यावर जया यांनी नाराजी व्यक्त केली होती.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
या अभिनेत्यामुळे तृप्ती डिमरीचा चित्रपटांकडे पाहण्याचा दृष्टीकोन बदलला; म्हणाली, ‘माझा अभिनय…’
पतीसमोर मित्राने अंकिताच्या ड्रेसशी छेडछाड केल्याने अभिनेत्री भडकली; व्हिडीओ व्हायरल
