मागील दीड दोन वर्षांपासून संपूर्ण देशभरात कोरोना नावाच्या विषाणूने नुसता धुमाकूळ घातला आहे. कोणी कधी विचार देखील केला नसेल की, डोळ्यांना न दिसणारा हा विषाणू आपल्या चालत्या-बोलत्या जवळच्या माणसांचा प्राण घेईल. कोरोनाच्या दुसऱ्या लाटेत अनेकांनी त्यांच्या जवळच्या माणसांना गमावले आहे. या सगळ्यात आता कुठे जाऊन कोरोना रुग्णसंख्या कमी झाली होती. परंतु मधेच आता ओमायक्रोन हे नावाचे नवीन संकट उभे राहिले आहे. या विषाणूचे भारतात आतापर्यंत ४ रुग्ण सापडले आहेत. त्यामुळे पुन्हा एकदा हा विषाणू दहशत माजवताना दिसत आहेत. अशातच मराठी चित्रपटसृष्टीतील नावाजलेला अभिनेता प्रसाद ओक याने याबाबत जागरूकता पसरवली आहे. त्याने अनेक मराठी मालिका आणि चित्रपटात त्याने काम करून प्रेक्षकांचे मनोरंजन केले आहे. तसेच अनेक शोचे तो सूत्रसंचालन करताना देखील तो दिसतो. अशातच त्याने सोशल मीडियावर एक पोस्ट करून सगळ्यांना याबाबत जागरूक करून दिलासा दिला आहे.
प्रसादने त्याच्या अधिकृत इंस्टाग्राम अकाऊंटवरून एक पोस्ट शेअर केली आहे. या फोटोमध्ये आपण पाहू शकतो की, त्याने लाल रंगाचा टी-शर्ट घातला आहे. त्याने घातलेल्या या टी-शर्टवर ‘लढ’ असे लिहिले आहे. हा फोटो शेअर करून त्याने लिहिले आहे की, “आता कोणताही व्हायरस आला, परिस्थिती आली तरी स्वतःला कुटुंबाला आणि जवळच्या प्रत्येक माणसाला बजावून एकच सांगायच लढ.” त्याची ही पोस्ट सोशल मीडियावर चांगलीच व्हायरल होत आहे. त्याच्या या पोस्टमुळे अनेकांना आधार मिळाला आहे. त्याच्या या पोस्टवर त्याच्या अनेक चाहत्यांनी प्रतिक्रिया दिल्या आहेत. (marathi actor prasad oak share new post on social media and incourage people)
प्रसाद ओक हा आघाडीचा कलाकार आहे. यासोबतच तो दिग्दर्शक, निर्माता आणि एक गायक देखील आहे. त्याने अनेक चित्रपटात काम करून प्रेक्षकांचे मनोरंजन केले आहे. त्याने ‘हिरकणी’, ‘कच्चा लिंबू’, ‘स्माईल प्लिज’, ‘धुरळा’, ‘शिकारी’, ‘आणि डॉक्टर काशिनाथ घाणेकर’, ‘क्षण’, ‘मोहर’, ‘येरे येरे पैसा’ यांसारख्या अनेक चित्रपटात काम केले आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-मिलिंद गुणाजी यांच्या मुलाचा साखरपुडा थाटात पडला पार, सूनबाई आहेत ‘या’ क्षेत्राशी निगडित
-ऐकलंत का! गायिका योगिता बोराटेंचा ‘प्रेमरंग’ कार्यक्रम लवकरच प्रेक्षकांच्या भेटीला
