टेलिव्हिजनवरील ‘बिग बॉस’ हा सर्वांचा लोकप्रिय शो आहे. हिंदीमधील या शोची लोकप्रियता बघता हा शो मराठीमध्ये देखील सुरु केला गेला आहे. मराठीमध्ये या शोचे दोन सिझन पूर्ण झाले आहेत. यातील सर्वात चर्चेत दुसरा सिझन आणि यातील स्पर्धक होते. या शोमधील सर्वांचाच लाडका आणि विजेता स्पर्धक म्हणजे शिव ठाकरे. शिव ठाकरे हा बिग बॉसच्या दुसऱ्या पर्वाचा विजेता होता. त्यानंतर तो खूप चर्चेत आला होता. शिव सोशल मीडियावर मोठ्या प्रमाणात सक्रिय असतो. अशातच त्याचा एक फोटो सोशल मीडियावर व्हायरल होताना दिसत आहे.
शिवने अधिकृत इंस्टाग्राम अकाऊंटवरून त्याचा एक फोटो शेअर केला आहे. या फोटोमध्ये तुम्ही पाहू शकता की, शिवने सोनेरी रंगाची शेरवानी घातली आहे. यावर त्याने निळ्या रंगाचे जॅकेट घातले आहेत. तसेच गळ्यात मोत्याच्या माळा घातलेल्या आहेत. पायात मोझडी घातली आहे. फोटोमध्ये तो खूपच डॅशिंग दिसत आहे. (Marathi actor shiv thakare share his new look photo on social media)
हा फोटो शेअर करून त्याने लिहिले आहे की, “प्रिय मी, एक दिवस तुला नक्कीच अभिमान वाटेल.” त्याच्या या फोटोवर त्याच्या चाहत्यांच्या सातत्याने प्रतिक्रिया येताना दिसत आहेत. त्याच्या एका चाहत्याने “कडक” अशी कमेंट केली आहे. तर आणखी एका चाहत्याने “खूप छान दिसतोय शिव दादा” अशी कमेंट केली आहे. तसेच अनेकांना त्याने दिलेले कॅप्शन खूप आवडले आहे. त्याने शेअर केलेल्या या फोटोला आतापर्यंत २२ हाजारापेक्षाही जास्त लाइक्स मिळाले आहेत.
शिवने याआधी एम टीव्हीवरील ‘रोडीज’ या शोमध्ये भाग घेतला होता. त्यानंतर तो ‘बिग बॉस’मुळे खूप चर्चेत आला होता. या शोमध्ये त्याचे आणि विणा जगतापचे अफेअर खूप गाजले होते. या शोमध्ये त्याने त्याच्या प्रेमळ आणि मनमिळावू स्वभावाने घरातील सदस्यांचे मन जिंकून घेतले होते. तसेच त्याने सगळ्या प्रेक्षकांचे देखील मन जिंकले होते. त्यामुळेच तो बिग बॉसच्या दुसऱ्या सिझनचा विजेता ठरला होता. मागील काही दिवसांपूर्वी त्याचे ‘शिलावती’ हे गाणे प्रदर्शित झाले आहे. या गाण्याला प्रेक्षकांनी जोरदार प्रतिसाद दिला होता.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-अक्षयच्या आईच्या निधनावर पंतप्रधान मोदींनी लिहिलं भलं मोठ्ठं पत्र; वाचून अभिनेताही झाला भावुक
-ट्रोलर्सवर गरजली अर्शी खान, गणरायाच्या पूजेचे ‘हे’ फोटो केले होते पोस्ट
-‘बिग बॉस’च्या ‘या’ स्पर्धकांनी दिलाय जगाला निरोप; कोणी केली आत्महत्या, तर कोणाला आला हार्ट अटॅक
