सोशल मीडिया हे प्रत्येकाला अभिव्यक्त होण्याचे मोठे व्यासपीठ बनले आहे. प्रत्येकजण आपल्या भावना सोशल मीडियाच्या माध्यमातून व्यक्त करत असतो. यात अभिनेत्री राजेश्वरी खरात ही सोशल मीडियावर सक्रिय राहणाऱ्या आघाडीच्या अभिनेत्रींपैकी एक आहे. दररोज न चुकता ती सोशल मीडियावर तिच्या चाहत्यांसाठी तिचे फोटो किंवा व्हिडिओ शेअर करत असते. तिचा एक व्हिडिओ सध्या जोरदार व्हायरल होत आहे.
राजेश्वरीने अधिकृत इंस्टाग्राम अकाऊंटवरून एक व्हिडिओ शेअर केला आहे. या व्हिडिओमध्ये आपण पाहू शकतो की, ती वेगवेगळ्या गाण्यांवर हावभाव करताना दिसत आहे. जसे गाणे बदलेल, तसे तिचे कपडे आणि मेकअप देखील वेगळा दिसत आहे. या व्हिडिओची सुरुवात ‘एक लाजरान साजरा मुखडा’ या गाण्यापासून होते. यानंतर काही गाणी आहेत. एका गाण्यात तर राजेश्वरीला मिशा आलेल्या दिसत आहेत. या व्हिडिओमध्ये तिचे हावभाव घायाळ करणारे आहेत. (Marathi actress Rajeshwari kharat share her video on social media)
हा व्हिडिओ शेअर करून तिने “जीव माझा,” असे कॅप्शन दिले आहे. तिच्या या पोस्टवर अनेकांच्या प्रतिक्रिया येत आहेत. चाहते सातत्याने या व्हिडिओवर कमेंट करत आहेत. या व्हिडिओला आतापर्यंत २० हजारांपेक्षाही जास्त लाईक्स आले आहेत.
राजेश्वरीने नागराज मंजुळे यांच्या ‘फँड्री’ चित्रपटातून २०१३ साली चित्रपटसृष्टीत पदार्पण केले होते. त्यानंतर तिने २०१७ साली ‘आयटमगिरी’ या चित्रपटात काम केले. तसं पाहायला गेलं, तर राजेश्वरीने जास्त चित्रपटात काम केले नाही. मात्र, कमी कालावधीत तिने चांगले नाव कमावले आहे. सोशल मीडियावर तिचा लाखोंमध्ये चाहतावर्ग आहे. त्यामुळे तिची कोणतीही पोस्ट व्हायरल व्हायला जास्त वेळ लागत नाही. नुकतेच तिने तिच्या आगामी ‘रेडलाईट’ या चित्रपटाचा पोस्टर आणि ट्रेलर प्रदर्शित केला आहे. या चित्रपटात ती वेशा भूमिकेत दिसणार आहे. तिचे चाहते तिचा हा चित्रपट पाहण्यासाठी खूप उत्सुक आहेत.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-‘या’ दिवशी होणार झी मराठी पुरस्कार सोहळा साजरा, प्रिया मराठेने व्हिडिओ शेअर करून दाखवली डान्सची झलक
-सोनाली कुलकर्णीचा ‘शटर’ चित्रपट प्रेक्षकांना पाहायला मिळणार ओटीटी प्लॅटफॉर्मवर
