मराठी टेलिव्हिजनवरील अनेक मालिका सुपरहिट होत असतात. यातीलच एका मालिकेला प्रेक्षकांनी अक्षरशः डोक्यावर घेतले होते. ती मालिका म्हणजे ‘काहे दिया परदेश’ होय. या मालिकेतील शिव आणि गौरी ही पात्र तर चांगलीचं गाजली होती. ही पात्रं अभिनेत्री सायली संजीव आणि अभिनेता ऋषी सक्सेना यांनी साकारली होती. तसेच या मालिकेतील शीर्षक गीत, डायलॉग देखील प्रेक्षकांना मोठ्या प्रमाणात आवडले होते. या मालिकेनंतर सायली संजीव प्रसिद्धीच्या झोतात आली होती. या मालिकेनंतर तिने अनेक चित्रपटात काम केले. सायली सध्या सोशल मीडियावर जोरदार सक्रिय असते. अशातच तिचा एक मनमोहक व्हिडिओ सोशल मीडियावर व्हायरल झाला आहे.
या व्हिडिओमध्ये तुम्ही पाहू शकता की, तिने काळ्या रंगाचा ड्रेस घातला आहे. यावर तिने गळ्यात ठुशी घातली असून हातात बांगड्या घातलेल्या दिसत आहेत. तिने सगळे केस मागे बांधले आहेत. या व्हिडिओमध्ये ती अगदी साधी पण अत्यंत सुंदर दिसत आहे. या व्हिडिओच्या बॅकग्राऊंडला ‘सखे गं साजणी’ हे गाणे लागलेले आहे. हा व्हिडिओ पाहून कोणीही तिच्या सोज्वळतेला भाळून तिच्या प्रेमात पडेल. (marathi actress sayali sanjeev’s video viral on social media)
हा व्हिडिओ शेअर करून तिने ‘साजणी’ असे कॅप्शन दिले आहे. तिचे अनेक चाहते या व्हिडिओवर कमेंट करून तिचे कौतुक करत आहेत. कोणी तिच्या व्हिडिओवर हार्ट ईमोजी पोस्ट करत आहेत, तर कोणी ‘ब्युटीफुल’ असे म्हणत आहे. हा व्हिडिओ जोरदार व्हायरल होत आहे.
सायलीने ‘काहे दिया परदेश’ या मालिकेनंतर चित्रपटसृष्टीत पाऊल टाकले. तिने ‘पोलीस लाईन’, ‘आटपाडी नाईट्स’, ‘मन फकीरा’, ‘सातारचा सलमान’, ‘एबी आणि सीडी’, ‘झिम्मा’, ‘गोष्ट एका पैठणीची’ अशा मराठी चित्रपटामध्ये अभिनय करून रसिकांची मने जिंकली आहेत. सध्या ती कलर्स मराठीवरील ‘शुभमंगल ऑनलाईन’ या मालिकेत काम करत आहे. या मालिकेत तिच्यासोबत अभिनेता सुयश टिळक मुख्य भूमिकेत आहे. ही मालिका देखील प्रेक्षकांना मोठ्या प्रमाणात आवडली आहे.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
-जेव्हा करीनाने कॅटरिनाला म्हटले होते आपली ‘वहिनी’, पाहण्यालायक होती रणबीरची रिऍक्शन
